5G இணைய சேவை கொண்ட முதல் வட மாநிலம் பினாங்கு – மாநில முதல்வர் சௌ கோன் இயோவ்

ஜார்ஜ் டவுன், செப்டம்பர் 12 :

5G இணைய சேவை கடந்த வெள்ளிக்கிழமை அறிமுகப்படுத்தப்பட்டதைத் தொடர்ந்து, 5G இணைய சேவை கொண்ட வட பிராந்தியத்தின் முதல் மாநிலமாக பினாங்கு உள்ளது.

டிஜிட்டல் நேஷனல் பெர்ஹாட் (DNB) நிறுவனத்தின் மூலம் பினாங்கில் 5G அமலாக்கத் திட்டத்தின் முதல் கட்டத்தின் மூலம், இந்த ஆண்டு தீவில் உள்ள பகுதிகளில் 5G அலைக்கற்றையை அறிமுகப்படுத்த மொத்தம் 151 தளங்கள் அடையாளம் காணப்பட்டுள்ளதாக அம்மாநில முதல்வர் சௌ கோன் இயோவ் தெரிவித்தார்.

“151 தளங்களில் இருந்து, 58 புதிய 5G தொலைத்தொடர்பு கட்டமைப்புகள் கட்டப்படும், மீதமுள்ள 93 கட்டமைப்புகள் ஏற்கனவே உள்ள தகவல் தொடர்பு கட்டமைப்புகளில் இருந்து மேம்படுத்தப்படும்,” என்று அவர் செப்டம்பர் 9 அன்று 5G நெட்வொர்க் வெளியீட்டு விழாவில் செய்தியாளர்களிடம் கூறினார்.

2023 ஆம் ஆண்டில், பினாங்கில் 5G செயல்படுத்தும் திட்டத்தின் இரண்டாம் கட்டத்தின் மூலம், செபராங் பிறை பகுதியில் மொத்தம் 235 5G நிலையான தகவல் தொடர்பு கட்டமைப்புகள் மற்றும் தீவில், குறிப்பாக வடகிழக்கு பிராந்தியத்தில் கூடுதலாக 77 5G தொடர்பு கட்டமைப்புகள் கட்டப்படும்.

2020 இல் தொடங்கிய 5G-ஐ நோக்கிய ஒரு படியாக, 5G செயல்விளக்கத் திட்டங்களை (5GDP) செயல்படுத்த மலேசியாவின் ஆறு மாநிலங்களில் ஒன்றாக பினாங்கு தேர்ந்தெடுக்கப்பட்டுள்ளது என்றும் சோவ் கூறினார்.

LEAVE A REPLY

Please enter your comment!
Please enter your name here