அக்டோபர் மாதம் ஒரு பெண்ணிடம் தரக்குறைவாக நடந்து கொண்டதோடு, தனது அந்தரங்க உறுப்புகளை மற்றொரு பெண்ணின் முன் ஒளிப்பதிவு செய்த குற்றத்தை ஒப்புக்கொண்ட உணவக உதவியாளருக்கு மாஜிஸ்திரேட் நீதிமன்றம் இன்று ஒரு மாத சிறைத் தண்டனையும், 6,000 ரிங்கிட் அபராதமும் விதித்தது.
அக்டோபர் 14 ஆம் தேதி அதிகாலை 2 மணியளவில் கெப்போங்கில் உள்ள ஒரு இல்லத்தில் 27 வயது பெண்ணைத் துன்புறுத்தியதற்காக 24 வயதான யாப் ஜியான் ஷெங்கிற்கு ஒரு மாத சிறைத்தண்டனையும் RM3,000 அபராதமும் விதித்து மாஜிஸ்திரேட் நூருல் இஸ்ஸா ஷஹாருதீன் தீர்ப்பளித்தார்.
அவர் மீது குற்றவியல் சட்டத்தின் 354வது பிரிவின் கீழ் குற்றம் சாட்டப்பட்டது. இது 10 ஆண்டுகள் வரை சிறைத்தண்டனை அல்லது அபராதம் அல்லது சவுக்கடி அல்லது இரண்டு தண்டனைகளை வழங்குகிறது.
அக்டோபர் 19 ஆம் தேதி அதிகாலை 1.30 மணியளவில் அதே இடத்தில் தனது அந்தரங்க உறுப்பை காண்பித்தகாக 26 வயது பெண்ணுக்கு எரிச்சலை ஏற்படுத்தியதற்காக அந்த நபருக்கு RM3,000 அபராதம் விதிக்கப்பட்டது.
குற்றவியல் சட்டத்தின் பிரிவு 294 (a) இன் கீழ், அதிகபட்சமாக மூன்று மாதங்கள் சிறைத்தண்டனை அல்லது அபராதம் அல்லது இரண்டும் விதிக்கப்படும்.
டிசம்பர் 20ஆம் தேதி கைது செய்யப்பட்ட நாளிலிருந்து யாப்பை சிறைத்தண்டனை அனுபவிக்குமாறு நூருல் இசா உத்தரவிட்டார்.
இதற்கிடையில், செஷன்ஸ் நீதிமன்றத்தில், நவம்பர் 25 அன்று இரவு 8.30 மணிக்கு 13 வயது சிறுமியையும், அக்டோபர் 11 அன்று மாலை 6.30 மணிக்கு 16 வயது சிறுமியையும் கெப்போங்கில் பாலியல் பலாத்காரம் செய்ததாக இரண்டு குற்றச்சாட்டுகளை யாப் ஒப்புக்கொண்டார்.
நீதிபதி தஸ்னிம் அபு பக்கர் இந்த வழக்கை ஜனவரி 31, 2023 மறு விசாரணை தேதியாக குறிப்பிட்டுள்ளார்.
