கோத்த கினபாலு: சபா மாநில அமைச்சரவையை மாற்றியமைப்பதாக முதலமைச்சர் டத்தோஸ்ரீ ஹாஜி நூர் (பிக்ஸ்) இன்று அறிவித்தார். இதில் Parti Solidariti Tanah Airku (ஸ்டார்) தலைவர் டத்தோஸ்ரீ டாக்டர் ஜெஃப்ரி கிடிங்கன் துணை முதல்வராகவும் மாநில விவசாயம் மற்றும் மீன்வளத்துறை அமைச்சராகவும் நியமிக்கப்பட்டார்.
சபா பாரிசான் நேஷனல் (BN) தலைவர் டத்தோஸ்ரீ பங் மொக்தார் ராடினுக்குப் பதிலாக முந்தைய துணை முதலமைச்சராக II இருந்த கிடிங்கன்; பார்ட்டி பெர்சத்து சபா (PPS) துணைத் தலைவர் டத்தோஸ்ரீ டாக்டர் ஜோச்சிம் குன்சலாம்,மூன்றாவது துணை முதல்வர் III யிலிருந்து, 2ஆவது துணை முதல்வராக II நியமிக்கப்பட்டார்.
ஜோகிம் உள்ளூராட்சி மற்றும் வீட்டு வசதி அமைச்சராகவும் நியமிக்கப்பட்டார்.அதே சமயம் புட்டான் சட்டமன்ற உறுப்பினர் டத்தோ ஷாஹெல்மி யாஹ்யா துணை முதலமைச்சராக III மற்றும் பணி அமைச்சராக நியமிக்கப்பட்டார். இது முன்னர் பங் மோக்தாரால் நடத்தப்பட்டது.
இந்த மறுசீரமைப்பு அவசியமானது மற்றும் தற்போதைய மாநில அரசாங்கத்தை வலுப்படுத்துவதை நோக்கமாகக் கொண்டது. ஏனெனில் எங்களுக்கு ஒரு வலுவான குழு தேவை. அனைவரையும் உள்ளடக்கிய நிர்வாகத்தை உருவாக்க வேண்டியதன் அவசியத்தை உணர்ந்து, பக்காத்தான் ஹராப்பானைச் சேர்ந்த சட்டமன்ற உறுப்பினர்களை (சபா) அமைச்சரவையில் சேர்த்துள்ளேன்.
அதே திசையில் அர்ப்பணிப்புடன் செயல்படும் தலைவர்களைக் கொண்டிருப்பதில் மாநில அரசு உறுதியாக உள்ளது. மேலும் மாநிலத்தின் வளர்ச்சிக்கான முயற்சிகள் மக்கள் எதிர்பார்க்கும் விதத்தில் எந்தவிதமான குறுக்கீடும் இல்லாமல் சுமூகமாக நடைபெறுவதை உறுதிப்படுத்த வேண்டியதன் அவசியத்தைப் பாராட்டுகிறது. இந்த இலக்கை அடைய அரசியல் ஸ்திரத்தன்மை முக்கியமானது என்று அவர் இன்று வெளியிட்டுள்ள அறிக்கையில் தெரிவித்துள்ளார்.
