பெட்டாலிங் ஜெயா: எதிர்க்கட்சியில் உள்ள நாடாளுமன்ற உறுப்பினர்களுக்காம சம ஒதுக்கீடு குறித்து விவாதிக்க துணைப் பிரதமர் ஃபதில்லா யூசோப் பெரிகாத்தான் நேஷனல் chief whip தக்கியுதீன் ஹாசனைச் சந்தித்துப் பேசினார்.
தக்கியுதீனிடம் முன்மொழிவை உருவாக்குமாறு அவர் கோரிக்கை விடுத்ததாக ஃபாதில்லா கூறினார். எனவே எதிர்காலத்தில் பேச்சுவார்த்தைகள் நடத்தப்படலாம் என்று தி போர்னியோ போஸ்ட் செய்தி வெளியிட்டுள்ளது. இந்த திட்டத்தை “வெளிப்படையாக” வைக்குமாறு தக்கியுதீனுக்கு கூறப்பட்டது. அப்போதுதான் அரசாங்கம் பேச்சுவார்த்தைகளை தொடங்கும் என்று ஃபதில்லா கூறினார்.
பின்னர், அரசாங்கத்திற்கும் எதிர்க்கட்சிக்கும் இடையிலான இரு கட்சி ஒப்பந்தத்தின் கட்டமைப்பிற்குள் நாம் ஒத்துழைக்கக்கூடிய நோக்கங்கள் என்ன என்பதை நாங்கள் பார்ப்போம் என்று அவர் மேற்கோள் காட்டினார்.
முந்தைய அரசாங்கத்தில் புரிந்துணர்வு ஒப்பந்தம் இருந்ததைப் போலவே இதுவும் உள்ளது என்று அவர் அப்போது எதிர்க்கட்சியாக இருந்த பக்காத்தான் ஹராப்பான் மற்றும் இஸ்மாயில் சப்ரி யாக்கோபின் அரசாங்கத்திற்கு இடையே கையெழுத்திடப்பட்ட ஒப்பந்தத்தைப் பற்றி குறிப்பிட்டார்.
எதிர்க்கட்சிகள் தங்கள் முன்மொழிவுகளை சமர்ப்பிக்க குறிப்பிட்ட காலக்கெடு எதுவும் வழங்கப்படவில்லை என்றும் ஃபதில்லா கூறினார். எதிர்க்கட்சி நாடாளுமன்ற உறுப்பினர்களின் நிதியுதவி குறித்து ஃபதில்லாவுடன் விவாதிக்க எதிர்க்கட்சித் தலைவர் ஹம்சா ஜைனுதீன், பாஸ் செயலாளரும் தக்கியுதீன் மற்றும் புத்ராஜெயா நாடாளுமன்ற உறுப்பினர் ரட்ஸி ஜிடின் ஆகிய மூன்று பிரதிநிதிகளை சமீபத்தில் அழைத்தது.
அனைத்து நாடாளுமன்ற உறுப்பினர்களும் அவர்களின் அரசியல் சார்புகளைப் பொருட்படுத்தாமல் சமமான நிதியைப் பெற வேண்டும் என்று பிரதமர் அன்வார் இப்ராஹிமின் உடன்படிக்கையை அடுத்து ஃபதில்லாவுடன் கலந்துரையாடல் நடத்த முடிவு எடுக்கப்பட்டுள்ளது.
