உங்கள் தலைவரை பதவியில் இருந்து விலக்க பெரிக்காத்தான் நேஷனலுக்கு வாக்களியுங்கள் என்று அம்னோ உறுப்பினர்களிடம் டத்தோஸ்ரீ ஹம்சா ஜைனுடின் கூறுகிறார். பெரிக்காத்தானை மாற்றாகக் கருதும் அம்னோ ஆதரவாளர்கள் பலர் ஏற்கனவே இருப்பதாக பெரிக்காத்தான் தலைமை செயலாளர் கூறினார். கட்சித் தலைவர் டத்தோஸ்ரீ அகமட் ஜாஹிட் ஹமிடியைப் பிடிக்காத அம்னோ உறுப்பினர்களே பெரிக்காத்தானுக்கு வாக்களியுங்கள்.
முந்தைய பொதுத் தேர்தலில் தோற்று, இப்போது மாநிலத் தேர்தலில் தோல்வியடைந்த உங்கள் தலைவருக்கு இது ஒரு அடையாளத்தை அனுப்பும். வேறு யாராவது பொறுப்பேற்றால், அம்னோவின் எதிர்காலம் பிரகாசமாக இருக்கும். மேலும் மாற்றங்கள் ஏற்படலாம் என்று சனிக்கிழமை (ஆகஸ்ட் 5) இங்கு ஒரு நிகழ்ச்சியில் கலந்து கொண்ட பிறகு செய்தியாளர்களிடம் கூறினார்.
எங்கள் நாட்டின் தலைவர்கள், எந்தக் கட்சியாக இருந்தாலும், நாட்டை முன்னோக்கி கொண்டு வர ஒருமைப்பாடு நிறைந்தவர்களாக இருப்பதை நாம் பெரிக்காத்தானில் பார்க்க விரும்புகிறோம் என்று அவர் மேலும் கூறினார். அம்னோ உறுப்பினர்களும் உண்மை நிலையை உணர்ந்து விழித்துக் கொள்ள வேண்டும் என்றார் ஹம்சா.
அவர்கள் இதனை உணர்ந்து எங்களுடன் சேர வேண்டும் என்று நான் விரும்புகிறேன். நீங்கள் கட்சியை விட்டு வெளியேற விரும்பவில்லை என்றால் பரவாயில்லை. ஆனால் எங்களுடன் இருந்து பெரிக்காத்தானுக்கு வாக்களியுங்கள் என்று அவர் கூறினார்.
