மலாக்கா தாமான் தஞ்சோங் மிஞ்யாக்கில் சாலையின் ஓரத்தில் உள்ள மரங்கள் நிறைந்த பகுதியில் மூங்கில் தளிர்களை தேடும் போது மோட்டார் வெடிகுண்டு என சந்தேகிக்கப்படும் ஒரு பொருளை பெண் ஒருவர் இன்று கண்டெடுத்தார். 32 வயதான அந்தப் பெண், தெனாகா நேஷனல் பெர்ஹாட் (டிஎன்பி) துணை மின்நிலையத்திற்கு அருகிலும், பிற்பகல் 3.15 மணியளவில் தனது உடன்பிறந்தவரின் வீட்டிலிருந்து சுமார் 30 மீட்டர் தொலைவிலும் அந்தப் பொருளைக் கண்டுபிடித்ததாக மலாக்கா தெங்கா காவல்துறைத் தலைமை உதவி ஆணையர் கிறிஸ்டோபர் பாடிட் தெரிவித்தார்.
போலீசாரின் அறிக்கையைத் தொடர்ந்து, மலாக்கா போலீஸ் தலைமையகத்திலிருந்து வெடிகுண்டு செயலிழப்புப் பிரிவு அப்பகுதியைச் சுற்றி “தாக்குதல் தேடுதல்” நடத்தியது. ஆனால் வேறு சந்தேகத்திற்கிடமான பொருட்கள் எதுவும் கிடைக்கவில்லை. மேலும் விசாரணையில் அந்த பொருள் துருப்பிடித்த மற்றும் முன்பு ஏவப்பட்ட 60 மிமீ பயிற்சி மோட்டார் என்று தெரியவந்தது. அதில் வெடிபொருட்கள் ஏதும் இல்லை என்பது உறுதி செய்யப்பட்டது என்று அவர் ஒரு அறிக்கையில் தெரிவித்தார்.
