பாலேக் பூலாவில் ஆசிரியர் தாக்கியதல் தனக்குக் கண்ணில் காயம் ஏற்பட்டதாக படிவம் ஐந்து மாணவர் புகார் தெரிவித்துள்ளார். வியாழக்கிழமை (செப். 14) சுங்கை ஆரா மேல்நிலைப் பள்ளியில் நடந்த சம்பவத்திற்குப் பிறகு, தனது மகனுக்கு வலது கண்ணில் உள் இரத்தப்போக்கு ஏற்பட்டதாக சமூக ஊடகங்களில் ஒரு வீடியோவில், சிறுவனின் 47 வயது தந்தை கூறினார்.
தனது மகனுக்கு கடுமையான காயத்தை ஏற்படுத்தியதாகக் கூறப்படும் ஆசிரியரின் நடவடிக்கை குறித்து அவர் தனது ஏமாற்றத்தை வெளிப்படுத்தினார். மதியம் 12.30 மணியளவில் பாடம் நடத்தும் போது அந்த மாணவர் வகுப்பறையில் சிகரெட் புகைத்தபோது பிடிபட்டார்.
சிறுவன் பினாங்கு மருத்துவமனைக்கு பரிந்துரைக்கப்படுவதற்கு முன்பு பாலேக் பூலாவ் மருத்துவமனைக்கு அனுப்பப்பட்டான். அங்கு அவர் அனுமதிக்கப்பட்டு, சீராக இருப்பதாக தெரிவிக்கப்பட்டுள்ளது. இச்சம்பவம் குறித்து காவல்துறையில் புகார் அளிக்கப்படும் என்றும், சிறுவனின் பெற்றோர் பள்ளி அதிகாரிகளை சந்திக்க முற்படுவார்கள் என்றும் தெரிகிறது. பாலேக் பூலாவ் காவல்துறைத் தலைவர் கமாருல் ரீஜைல் ஜெனாலை தொடர்பு கொண்டபோது, சம்பவம் குறித்து போலீசார் இன்னும் புகாரினை பெறவில்லை என்றார்.
