நியூசிலாந்தில் இன்று காலை 5 மலேசிய மாணவர்களை உள்ளடக்கிய சாலை விபத்தில் இருவர் உயிரிழந்தனர். மேலும் 3 பேர் பலத்த காயமடைந்தனர். நியூசிலாந்து காவல்துறையின் மாவட்ட செயல்பாடுகள் மற்றும் ஆதரவு மேலாளர் கிரேக் மெக்கேயின் அறிக்கையின்படி, புகாக்கியில் உள்ள மாநில நெடுஞ்சாலை 8 இல் உள்ளூர் நேரப்படி மதியம் 1.30 மணியளவில் (மலேசியாவில் காலை 8.30 மணிக்கு) இரண்டு வாகனங்களும் ஒரு மோட்டார் சைக்கிளும் பல வாகனத்தின் மீது மோதி விபத்துக்குள்ளானது. மோட்டார் சைக்கிள் ஓட்டுநர் கொல்லப்பட்டதாகவும், காயமடைந்தவர்களில் பலர் இடிபாடுகளில் சிக்கியதாகவும் அவர்களை மீட்க வேண்டியுள்ளதாகவும் மெக்கே கூறினார். காயமடைந்த மூவர் மருத்துவமனைக்குக் கொண்டு செல்லப்பட்டு தீவிர விபத்து பிரிவில் சிகிச்சை பெற்று வருகின்றனர் என்று அவர் கூறினார்.
விஸ்மா புத்ராவின் தனி அறிக்கையின்படி, காயமடைந்த மாணவர்கள் அவசர மருத்துவ சிகிச்சைக்காக நியூசிலாந்தின் தெற்கு தீவில் உள்ள கிறிஸ்ட்சர்ச் மருத்துவமனைக்கு விமானத்தில் கொண்டு செல்லப்பட்டனர். மலேசிய தூதரகம் பாதிக்கப்பட்டவர்களுக்கும் அவர்களது உறவினர்களுக்கும் தூதரக உதவிகளை வழங்கி வருவதாக வெளிவிவகார அமைச்சு தெரிவித்துள்ளது.
அடுத்த உறவினர்கள் இறந்தவர்களின் உடலை மலேசியாவுக்கு திருப்பி அனுப்ப முடிவு செய்தால், அமைச்சகமும் தூதரகமும் உதவ தயாராக உள்ளன. இந்த துயரமான சாலை விபத்தில் சிக்கி உயிரிழந்தவர்களின் உறவினர்களுக்கு அமைச்சகம் தனது ஆழந்த இரங்கலைத் தெரிவித்துக் கொள்கிறது என்று அந்த அறிக்கையில் மேலும் தெரிவிக்கப்பட்டுள்ளது.
