டிஎன்பிஎல் 2024 தொடர் சமீபத்தில் நடந்து முடிந்தது. ரவிச்சந்திரன் அஸ்வின் தலைமையிலான திண்டுக்கல் டிராகன்ஸ் அணி, கோப்பையை தட்டித்தூக்கியது.
டிஎன்பிஎல் 2024 தொடரின், பவுண்டரி தூரம் குறைவாகதான் இருந்தது. இதனால், பேட்டர்கள் அதிரடி காட்டுவார்கள் எனக் கருதப்பட்ட நிலையில், ஸ்பின்னர்கள் தொடர்ந்து அதிரடியாக பந்துவீசி, சிக்கனமாக ரன்களை விட்டுக்கொடுத்தனர்.
டிஎன்பிஎல் 2024 தொடரில், ஸ்பின்னர்கள்தான் ஹீரோவாக இருந்தனர். இதன்மூலம், ரவிச்சந்திரன் அஸ்வின், வாஷிங்டன் சுந்தர் போல பல ஸ்பின்னர்கள் உருவாகுவார்கள் எனக் கணிக்கப்பட்டுள்ளது. இவர்கள் ஐபிஎல் மூலம், மேலும் தங்களது திறமைகளை நிரூபித்து, இந்திய அணியில் இடம் பிடிக்கவும் வாய்ப்புள்ளது.
டிஎன்பிஎல் தொடரில் கலக்கிய 5 வீரர்கள், ஐபிஎல் 18ஆவது சீசனுக்கான மெகா ஏலத்தில் ஏலம் போக வாய்ப்புள்ளது. அந்த 5 புதுமுக வீரர்கள் குறித்து தற்போது பார்க்கலாம்.
1.ஜடாவேத் சுப்ரமணியம்
லைகா கோவை கிங்ஸ் அணிக்காக விளையாடிய, லெக் ஸ்பின்னர் ஜடாவேத் சுப்ரமணியம், டிஎன்பிஎல் பைனலில் திண்டுக்கல் டிராகன்ஸுக்கு எதிராக, பெரிய பவுண்டரி தூரத்தில் பேட்டர்களை அடிக்கவைத்து நெருக்கடியை ஏற்படுத்தினார். டிஎன்பிஎல் 2024 தொடரில் 6.09 எகனாமியில் பந்துவீசி அசத்தினார்.
2.விக்னேஷ்
திண்டுக்கல் டிராகன்ஸ் இடது கை ஸ்பின்னர் விக்னேஷ், டிஎன்பிஎல் 2024 தொடரில் 6.19 எகனாமியில் பந்துவீசி அசத்தினார். பைனலில் மழை பெய்து, பந்துகள் ஸ்பின்னர்களுக்கு ஒத்துழைக்காத போதும், பந்துகளை சுழலவைத்து பிரமிக்க வைத்தார். இதனால்தான், திண்டுக்கல் அணியை 129/7 ரன்களில் சுருட்ட முடிந்தது.
3.முகமது அலி
திருப்பூர் தமிழன்ஸ் அணியின் ஆப் ஸ்பின் பௌலிங் ஆல்-ரவுண்டரான முகமது அலி, பேட்டிங் பந்துவீச்சு இரண்டிலும் தொடர்ந்து அபாரமாக பந்துவீசி அசத்தினார். குவாலிபையர் 1 சுற்றில், திண்டுக்கலுக்கு எதிராக 23 பந்துகளில் 45 ரன்களை குவித்து அசத்தினார். இத்தொடரில் அவரது ஸ்ட்ரைக் ரேட் 141.80ஆக இருந்தது. பந்துவீச்சில், 7.83 எகனாமியை வைத்துள்ளார்.
4.சோனு யாதவ்
நெல்லை ராயல் கிங்ஸ் அணியின், வேகப்பந்து வீச்சு ஆல்-ரவுண்டர் சோனு யாதவ், கடந்த சீசனில் ராயல் சேலஞ்சர்ஸ் பெங்களூர் அணிக்காக ஒப்பந்தமானார். ஆனால், காயம் காரணமாக விளையாட முடியவில்லை. யார்க்கர், வேகம் குறைந்த பந்துகளை வீசுவதில் வல்லவராக இருக்கிறார். பேட்டிங்கில் ஸ்ட்ரைக் ரேட் 163.88ஆக இருக்கிறது. இவர் உத்திரபிரதேசத்தை சேர்ந்தவராக இருந்தாலும், தமிழகத்தில்தான் வளர்ந்தார் என்பது குறிப்பிடத்தக்கது.
5.ஷிவம் துபே
டிஎன்பிஎல் 2024 தொடரில், ஒருசில பேட்டர்கள் மட்டுமே பெரிய தாக்கத்தை ஏற்படுத்தினார்கள். அதில், முதன்மையானவர் ஷிவம் சிங் தான். திண்டுக்கல் டிராகன்ஸ் அணியை சேர்ந்த இவர், 9 இன்னிங்ஸ்களில் களமிறங்கி, 134.81 ஸ்ட்ரைக் ரேட்டில் 364 ரன்களை குவித்து அசத்தினார். சராசரி 45.50ஆக உள்ளது. இவரை வாங்க வாய்ப்புள்ளது.
