வரும் வாரத்திலும் RON97, RON95 மற்றும் டீசல் விலைகளில் மாற்றம் இல்லை என்று நிதி அமைச்சகம் இன்று அறிவித்துள்ளது. RON97 இன் விலை லிட்டருக்கு RM3.19 ஆகவும், RON95 லிட்டருக்கு RM2.05 ஆகவும் இருக்கும். தீபகற்ப மலேசியாவில், டீசல் லிட்டருக்கு RM2.95 க்கு விற்கப்படும், கிழக்கு மலேசியாவில் லிட்டருக்கு RM2.15 க்கு விற்பனை செய்யப்படும். இந்த விலைகள் அக்டோபர் 16 வரை அமலில் இருக்கும்.
அமைச்சகம் வெளியிட்டுள்ள அறிக்கையில், உலகளாவிய கச்சா எண்ணெய் விலை போக்குகளை அரசாங்கம் தொடர்ந்து கண்காணித்து, மக்களின் தொடர்ச்சியான நலன் மற்றும் நல்வாழ்வை உறுதி செய்ய உரிய நடவடிக்கைகளை எடுக்கும் என்று தெரிவித்துள்ளது.
