அம்பாங், தாமான் முலியா ஜெயாவில் காவல்துறையினருக்கும் குற்றவாளிகளுக்கும் இடையே துப்பாக்கிச் சூடு நடைபெறவில்லை என்று காவல்துறை தெரிவித்துள்ளது. வெள்ளிக்கிழமை (நவம்பர் 29) இரவு குடியிருப்புப் பகுதியில் துப்பாக்கிச் சூடு நடந்ததாகக் கூறும் ஒரு வைரலான வீடியோவைத் தொடர்ந்து மேற்கண்ட அறிவுப்பு வெளிவந்துள்ளது. அம்பாங் ஜெயா OCPD உதவி முகமட் அஸாம் இஸ்மாயில் துப்பாக்கிச் சூடு எதுவும் நடக்கவில்லை என்றார்.
இருப்பினும், வெள்ளிக்கிழமை இரவு 10 மணியளவில் அந்த இடத்தில் ஒரு மொபைல் ரோந்து வாகனம் (எம்பிவி) காரை துரத்தி சென்றது என்றார். சனிக்கிழமை (நவம்பர் 30) தொடர்பு கொண்டபோது, நாங்கள் காரை துரத்தி சென்று நிறுத்தினோம். ஆனால் துப்பாக்கிச் சூடு எதுவும் இல்லை என்று அவர் கூறினார். முன்னதாக டிக்டாக் பயனர் ஒருவர் தாமான் முலியா ஜெயாவில் துப்பாக்கிச் சூடு நடந்ததாகக் கூறி ஆடியோவுடன் கூடிய வீடியோவை பதிவேற்றினார். வீடியோவில் உள்ள ஆடியோவில், ஆறு துப்பாக்கிச் சூடு நடந்ததாகவும், இரண்டு சந்தேக நபர்கள் தப்பிச் சென்றதாகவும் கூறப்பட்டுள்ளது.
