2025 பட்ஜெட்டில் அறிவிக்கப்பட்ட ஆரம்பகால 15 மில்லியன் ரிங்கிட்டை இரட்டிப்பாக்கி, கால்பந்து மேம்பாட்டுக்கான அதன் ஒதுக்கீட்டை 30 மில்லியன் ரிங்கிட்டாக அரசாங்கம் உயர்த்தும் என்று பிரதமர் அன்வார் இப்ராகிம் இன்று தெரிவித்தார். தனியார் துறையின் பங்களிப்பில் இருந்து கூடுதல் நிதி கிடைக்கும் என்றார்.
தேசிய அணியை வலுப்படுத்துவதற்கும் மலேசியாவை ஆசியாவில் கால்பந்தாட்ட சக்தியாக நிலைநிறுத்துவதற்கும் அரசாங்கத்தின் அர்ப்பணிப்பை அதிகரித்த ஒதுக்கீடு பிரதிபலிப்பதாக அன்வார் கூறினார். இந்த நிதி அனைத்து மட்டங்களிலும் மேம்பாட்டு திட்டங்களை மேம்படுத்தவும், அனைத்துலக போட்டிகளில் அதிக போட்டித்தன்மையுடன் இருக்க எங்கள் தேசிய அணியை தயார் செய்யவும் பயன்படுத்தப்படும் என்று அவர் ஒரு அறிக்கையில் தெரிவித்துள்ளார்.
நிதியமைச்சராக இருக்கும் அன்வார், இந்த ஒதுக்கீடு மலேசிய கால்பந்து சங்கத்திற்கும் (FAM) பயனளிக்கும் என்று கூறினார். குறிப்பாக அதன் நிறுவன கட்டமைப்பை மாற்றியமைப்பதில் அதன் பயிற்சியாளர்கள் மற்றும் தொழில்நுட்ப ஊழியர்கள் மூலம் தேசிய வீரர்களுக்கு நிலையான ஆதரவை வழங்குவதற்கு.
ஹரிமாவ் மலாயாவுக்கு அனுபவம் வாய்ந்த வீரர்களை தொடர்ந்து வழங்குவதன் மூலம் மலேசியாவின் 23 வயதுக்குட்பட்ட அணிக்கு விரிவான வெளிப்பாடுகளை வழங்குவதன் மூலம் விளையாட்டில் புதிய திறமைகளை வளர்ப்பதற்கு அதிக முயற்சிகள் மேற்கொள்ளப்படும் என்றார்.
ஜொகூர் ரீஜண்ட் துங்கு இஸ்மாயில் சுல்தான் இப்ராஹிம், மலேசிய கால்பந்துக்கு தனது ஆதரவைத் தொடர்ந்து வழங்குவார் என்று நம்புவதாக அன்வார் கூறினார், அவரது “பரந்த அனுபவம், சாதனைகள் மற்றும் நெட்வொர்க்” தேசிய அணிக்கு விலைமதிப்பற்ற சொத்துக்கள் என்றும் அவர் விவரித்தார்.
