ஆப்கானிஸ்தானை வீழ்த்தியது தென் ஆப்பிரிக்கா..!

தென் ஆப்பிரிக்கா சாம்பியன்ஸ் கோப்பை கிரிக்கெட் போட்டியில் ஆப்கானிஸ்தானை 107 ரன்கள் வித்தியாசத்தில் வீழ்த்தி வெற்றி பெற்றது.

9-வது சாம்பியன்ஸ் கோப்பை கிரிக்கெட் போட்டி பாகிஸ்தான் மற்றும் துபாயில் நடைபெறுகிறது. கராச்சியில் நேற்று நடந்த 3-வது லீக் ஆட்டத்தில், தென் ஆப்பிரிக்கா – ஆப்கானிஸ்தான் அணிகள் மோதின.

டாஸ் வென்ற தென் ஆப்பிரிக்கா முதலில் பேட்டிங்கைத் தொடங்கியது. தொடக்க வீரரான டோனி ஜி ஜோர்ஜி 11 ரன்களில் அவுட் ஆனாலும், ரியான் ரிக்கல்டன் உடன் ஜோடி சேர்ந்த பவுமா 58 ரன்களும், ரிக்கல்டன் 103 ரன்களும் குவித்தனர். இதனால் 50 ஓவர்கள் முடிவில் தென் ஆப்பிரிக்கா அணி 6 விக்கெட்டுகளை இழந்து 315 ரன்கள் குவித்தது.