தனது தாயையும் மூத்த சகோதரனையும் கொலை செய்ததாக சந்தேகிக்கப்படும் பதின்ம வயதினர் போலீஸ் காவலில் இருந்தபோது நல்ல நடத்தையை வெளிப்படுத்தியதாக பெண்கள், குடும்பம், சமூக மேம்பாட்டு அமைச்சர் நான்சி ஷுக்ரி தெரிவித்தார்.
17 வயது சிறுவன் “தனது தம்பியைப் பற்றிய எண்ணங்களில் தொடர்ந்து மூழ்கி இருப்பதாக” நான்சி கூறியதாக போர்னியோ போஸ்ட் செய்தி வெளியிட்டுள்ளது. சந்தேக நபரின் 13 வயது சகோதரர் சிறுவன் கைது செய்யப்பட்ட அதே நாளில் உயிருடன் ஆனால் பலத்த காயத்துடன் மீட்கப்பட்டார்.
இது அவரின் பெரும் மனச் சுமையை பிரதிபலிக்கிறது என்று அவர் கூறியதாக மேற்கோள் காட்டப்பட்டது. ஜூன் 12 அன்று, மலாக்காவின் புக்கிட் ரம்பாயில் உள்ள அவரது வீட்டில் சந்தேக நபரை கைது செய்ததாக போலீசார் தெரிவித்தனர்.
பள்ளி ஆசிரியராக இருந்த சந்தேக நபரின் 51 வயது தாயும், 21 வயது சகோதரனும் வரப்பேறையில் பல கத்திக்குத்து காயங்களுடன் காணப்பட்டனர். ஆரம்ப விசாரணையில், கல்வியில் சிறந்து விளங்க அழுத்தம் காரணமாக சந்தேக நபர் உணர்ச்சி ரீதியாக பாதிக்கப்பட்டிருக்கலாம் என்று தெரிவிக்கப்பட்டது. மனநல ஆதரவு, சிகிச்சை பலப்படுத்தப்பட வேண்டும் என்பதற்கான ஒரு பாடமாக இந்த சம்பவம் அமைய வேண்டும் என்று நான்சி கூறினார்.
பல நிறுவன ஒத்துழைப்பு மற்றும் சமூக அடிப்படையிலான உத்திகள் மூலம், குறிப்பாக பதின்ம வயதினரிடையே மனநலப் பிரச்சினைகளைத் தீர்ப்பதற்கு ஒரு விரிவான, நீடித்த அணுகுமுறை தேவை என்று அவர் கூறினார்.
