மக்களின் உயிருக்கு பெரிய ஆபத்தை ஏற்படுத்தும் பேருந்து விபத்துகள் தொடர்ந்து நிகழ்ந்து வரும் நிலையில், அரசாங்கமும் தொடர்புடைய முகமைகளும் மீது மக்கள் நம்பிக்கை இழந்து வருகிறார்கள்.
சமீபத்தில் குளிம், லிப்பூரி, டாமான் நெகாரா உள்ளிட்ட பல இடங்களில் இடம்பெற்ற பேருந்து விபத்துகள் பயணிகள் உயிரிழப்பு மற்றும் பலத்த காயங்களுக்கு வழிவகுத்துள்ளன. இதனையடுத்து, பேருந்துகளின் தரம் மற்றும் பாதுகாப்பு சோதனைகள் தொடர்பில் JPJ, PUSPAKOM மற்றும் APAD ஆகிய போக்குவரத்து துறையின் செயல்பாடுகள் கேள்விக்குள்ளாகியுள்ளன.
மலேசியா போக்குவரத்து அமைச்சர் யாப் சேங் ஹோ, சம்பந்தப்பட்ட அனைத்து தரப்புகளும் தங்கள் கடமைகளை முழுமையாக நிறைவேற்ற வேண்டிய அவசியத்தை வலியுறுத்தினார். ஆண்டுக்கு இருமுறை பேருந்துகளுக்கு பரிசோதனை அவசியமானது என்றாலும், சில தரப்புகள் இந்தச் சோதனைகளில் ஊழல் மூலம் தவிர்த்துவிடுகிறார்கள் என்ற புகார்கள் எழுந்துள்ளன.
அதிகாலை நேரங்களில் பெரும்பாலான விபத்துகள் நடைபெறும் நிலையில், ஓட்டுநர்களின் சோர்வு, நீண்ட நேர ஓட்டுதல் மற்றும் போதைப் பொருள் பயன்பாடு போன்றவையும் விபத்துகளுக்கு முக்கிய காரணங்களாகக் கூறப்படுகிறது. கடந்த 2023ஆம் ஆண்டில் மட்டுமே பேருந்து விபத்துகளால் 100 பேர் உயிரிழந்ததாகக் கூறப்படுகிறது.
இந்நிலையில், பேருந்து சேவை நிறுவனங்கள், பரிசோதனை நிலையங்கள் மற்றும் போக்குவரத்து முகமைகள் ஒருங்கிணைந்து கடுமையான நடவடிக்கைகள் எடுக்க வேண்டும் என்பது மக்களின் எதிர்பார்ப்பு.
