சபா, SMK அகாமா துன் டத்து முஸ்தபா லிமாவானில் உள்ள விடுதியின் மூன்றாவது மாடியில் இருந்து விழுந்து உயிரிழந்ததாகக் கூறப்படும் முதல் படிவ மாணவியின் மரணம் தற்போது காவல்துறை விசாரணையில் உள்ளது என்று கல்வி அமைச்சர் ஃபட்லினா சிடெக் கூறுகிறார். விசாரணையில் தனது அமைச்சகம் அதிகாரிகளுடன் முழுமையாக ஒத்துழைத்து வருவதாக அவர் கூறினார்.
அமைச்சகத்தின் உயர் நிர்வாகமும் நானும் மருத்துவமனையில் குடும்பத்தினரை சந்தித்து அவர்களின் தேவைகள் பூர்த்தி செய்யப்படுவதையும் அவர்களின் நலன் கவனிக்கப்படுவதையும் உறுதி செய்தோம். சபா கல்வித் துறையும் குடும்பத்திற்கு உடனடி உதவிகளை வழங்கியுள்ளது. இதில் உளவியல் ஆதரவும் அடங்கும் என்று அவர் இன்று ஒரு பேஸ்புக் பதிவில் கூறினார். அனைவரும் குடும்பத்தின் தனியுரிமையை மதிக்க வேண்டும் என்றும் ஃபட்லினா பொதுமக்களிடம் வேண்டுகோள் விடுத்தார். விசாரணையின் முடிவுக்கு ஏற்ப நடவடிக்கை எடுக்கப்படும் என்று அவர் குடும்பத்தினருக்கு இரங்கல் தெரிவித்து கூறினார்.
