பெட்டாலிங் ஜெயா: மோசமான சுகாதாரத் தரநிலைகள் காரணமாக இங்கு மூட உத்தரவுகள் பிறப்பிக்கப்பட்ட உணவகங்களில் 70% அதிகரிப்பு ஏற்பட்டுள்ளதாக நகர துணை மேயர் அஸ்னான் ஹாசன் கூறுகிறார். ஜனவரி 1 முதல் நவம்பர் 30 வரை சுகாதார விதிமுறைகளை மீறியதாகக் கண்டறியப்பட்ட உணவகங்களுக்கு நகர சபை (MBPJ) 230 மூட உத்தரவுகளை பிறப்பித்ததாக அஸ்னான் கூறியதாக தி ஸ்டார் செய்தி வெளியிட்டிருந்தது.
கடந்த ஆண்டு 136 மூடல்களுடன் ஒப்பிடும்போது இது குறிப்பிடத்தக்க அதிகரிப்பு என்று அவர் கூறினார். இந்த ஆண்டு MBPJ இன் செயல்பாடுகள் சமையலறைகளில் எலி எச்சங்கள், கரப்பான் பூச்சிகள் இருப்பது, கழிப்பறைகளில் மோசமான சுகாதாரம் உள்ளிட்ட கடுமையான சுகாதார விதி மீறல்களைக் கண்டறிய வழிவகுத்தன.
சம்பந்தப்பட்ட விற்பனை நிலையங்களுக்கு ஒவ்வொரு மீறலுக்கும் 250 ரிங்கிட் சம்மன் வழங்கப்பட்டதோடு அவர்களின் வளாகத்தை சுத்தம் செய்ய இரண்டு வாரங்களுக்கு மூட உத்தரவிடப்பட்டது என்று அஸ்னான் கூறினார்.
