சிலாங்கூர் மாநிலத்தில் தொடர்ந்து ஏற்பட்டுள்ள வெள்ளத்தால் பாதிக்கப்பட்டவர்களுக்கு வழங்கப்படும் நிதி உதவியை திரட்டுவதற்கான சாத்தியக்கூறுகள் குறித்து சிலாங்கூர் அரசு விவாதிக்கும். இந்த விவகாரம் குறித்து மாநில இளைஞர் மற்றும் விளையாட்டுக் குழுத் தலைவர் நஜ்வான் ஹலிமி கூறுகையில், அடுத்த கூட்டத்தில் மாநில நிர்வாகக் குழு இந்த விஷயத்தைப் பற்றி விவாதிக்கும்.
வெள்ளம் ஏற்படும் அபாயப் பகுதிகளில் (குடியிருப்பவர்களுக்கு) ஒரு சிறப்பு இயற்கை பேரிடர் காப்பீட்டுத் திட்டத்தை உருவாக்குவதற்கான மாநில அரசின் முன்மொழிவையும் நாங்கள் ஆய்வு செய்வோம். ஒரு முடிவை எடுப்பதில் பல்வேறு அம்சங்களை நாங்கள் கருத்தில் கொள்வோம் என்று அவர் எஃப்எம்டியிடம் கூறினார்.
இன்றைய நிலவரப்படி, சிலாங்கூரில் 296 பேர் இன்னும் வெள்ளம் காரணமாக கோலாl சிலாங்கூர் மற்றும் உலு லங்காட்டில் உள்ள நிவாரண மையங்களில் தங்க வைக்கப்பட்டுள்ளனர். சமீபத்திய வெள்ளத்தால் இடம்பெயர்ந்த குடும்பங்களுக்கு 500 ரிங்கிட் ரொக்க உதவியை விநியோகிப்பதாக மாநில அரசு முன்பு அறிவித்தது.
செவ்வாய்க்கிழமை, கோத்தா கெமுனிங் சட்டமன்ற உறுப்பினர் எஸ். பிரீகாஸ், குடியிருப்பாளர்கள் செய்ய வேண்டிய பல்வேறு பழுதுபார்ப்புகளைக் கருத்தில் கொண்டு, பண உதவியை 3,000 ரிங்கிட்டாக ஆக உயர்த்த வேண்டும் என்று அழைப்பு விடுத்தார்.
வெள்ளம் ஏற்படும் பகுதிகளில் வசிப்பவர்களுக்கு, குறிப்பாக B40 வருமானக் குழுவில் உள்ளவர்களுக்கு, ஒரு சிறப்பு இயற்கை பேரிடர் காப்பீட்டுத் திட்டத்தையும் டிஏபி உறுப்பினர் கோரினார்.
