திரெங்கானுவில் சமீபத்தில் ஒரு வாகனம் பள்ளத்தாக்கில் விழுந்து ஒரு தம்பதி இறந்ததற்கு காரணமான சாலை மூடல் பலகைகள், கான்கிரீட் தடுப்புகளை தனது அமைச்சகம் அகற்றியதாக கூறுவதை பொதுப்பணி அமைச்சர் அலெக்சாண்டர் நந்தா லிங்கி மறுத்துள்ளார்.
அப்பகுதியில் ஏற்பட்ட நிலச்சரிவுக்குப் பிறகு அமைக்கப்பட்ட பாதுகாப்பு பலகைகள், தடுப்புகளை யார் மீண்டும் மாற்றி அமைத்தனர் என்பதைத் தீர்மானிக்க தள விசாரணைகள் நடந்து வருவதாக நந்தா கூறினார். இதை யார் செய்தார்கள் என்பதைக் கண்டுபிடிப்பது எங்களுக்கு முக்கியம் என்று இன்று அமைச்சின் மாதாந்திர கூட்டத்திற்குப் பிறகு அவர் கூறினார்.
நவம்பர் 5 ஆம் தேதி குவா முசாங் KM52 ஜாலான் கோல ஜெனெரிஸ்-சுங்கை காவி-ஆரிங்கில் உள்ள பள்ளத்தாக்கில் கார் விழுந்ததில் 52 வயதான ஹசன் ஷசாலி, 34 வயதான சுசைமா சே அசிஸ் ஆகியோர் கொல்லப்பட்டனர். உலு திரெங்கானு காவல்துறைத் தலைவர் ஷாருதீன் அப்துல் வஹாப் நேற்று, பொதுப்பணித் துறை (JKR) சாலையில் அமைத்த பலகைகள், தடுப்புகளை சில தரப்பினர் அகற்றியதாக தெரிவித்திருந்தார்.
