ஜோகூர் பாரு பாசீர் கூடாங் அருகே தாமான் கெடிடி நீர்த்தேக்கத்திற்கு அருகில் இன்று காலை குழி தோண்டிக்கொண்டிருந்தபோது, ஒருவர் மண்ணுக்குள் புதைந்து உயிரிழந்தார். 48 வயதான அந்த நபர் சம்பந்தப்பட்ட இந்தச் சம்பவம் குறித்து காலை 10 மணிக்கு அவசர அழைப்பு வந்ததாக ஜோகூர் தீயணைப்பு மற்றும் மீட்புத் துறை செயல்பாட்டு மையம் தெரிவித்துள்ளது.
சிறப்பு உபகரணங்கள், மண்வெட்டிகள், கடப்பாரைகளைப் பயன்படுத்தி தேடுதல், மீட்புப் பணி மேற்கொள்ளப்பட்டதாக பெர்னாமா செய்தி வெளியிட்டுள்ளது. மழை அவர்களின் பணியைத் தடைசெய்தது. ஆனால் பாதிக்கப்பட்டவர் வெற்றிகரமாக மீட்கப்பட்டார். பிற்பகல் 12.33 மணிக்கு சுகாதார அமைச்சகப் பணியாளர்களால் அவர் இறந்துவிட்டதாக அறிவிக்கப்பட்டார். தாமான் சஹாயா மாசாயைச் சேர்ந்த ஜமாலுதீன் வஹாப் என அடையாளம் காணப்பட்ட அந்தப் பாதிக்கப்பட்டவர், தனது நண்பருடன் இரத்தினக்கற்களுக்காகத் தோண்டிக்கொண்டிருந்தபோது இந்தச் சம்பவம் நடந்ததாக ஹரியான் மெட்ரோ செய்தி வெளியிட்டுள்ளது.
