நாய்களைப் பிடிக்கும் நடவடிக்கையின் போது நகராட்சி மன்ற அதிகாரியைத் தடுத்ததாகக் கூறப்படும் குற்றச்சாட்டின் பேரில், ஜோஹோரில் 52 வயதுப் பெண்ணும் அவரது மகளும் கைது செய்யப்பட்டுள்ளனர். அந்தப் பெண்ணும் அவரது 24 வயது மகளும், தெருநாய்களைப் பிடிக்கும் முடிவைக் கேள்விக்குட்படுத்தியதாகவும், அவ்வாறு செய்யவிடாமல் அதிகாரிகளைத் தடுத்ததாகவும் பெரித்தா ஹரியான் செய்தி வெளியிட்டுள்ளது. அவர்கள் பிடிபட்ட ஒரு நாயை விடுவிக்கவும் முயன்றனர்.
ஒரு பெண் அமலாக்க அதிகாரி தலையிட முயன்றபோது, நிலைமை கைகலப்பாக மாறியது என்று மூவார் காவல் நிலையத் தலைவர் ரைஸ் முக்லிஸ் அஸ்மான் அஜிஸ் கூறியதாக மேற்கோள் காட்டப்பட்டுள்ளது. அதிகாரியின் வலது மற்றும் இடது கைகள் இரண்டிலும் காயங்கள் ஏற்பட்டன. அந்தப் பெண்ணும் அவரது மகளும் புக்கிட் பாசிரில் உள்ள அவர்களது வீட்டில் கைது செய்யப்பட்டு, நீதிமன்றக் காவலில் வைக்கப்பட்டுள்ளனர்.
