மலாக்கா: ஞாயிற்றுக்கிழமை (ஜூலை 26) காலை 8 மணி நிலவரப்படி, மலாக்காவில் வெள்ளத்தால் பாதிக்கப்பட்டவர்களின் எண்ணிக்கை 37 குடும்பங்களைச் சேர்ந்த 124 பேராக உயர்ந்துள்ளது. மலாக்கா தெங்கா மற்றும் ஜாசினில் மூன்று தற்காலிக நிவாரண மையங்கள் இன்னும் செயல்பட்டு வருகின்றன.
பாதிக்கப்பட்டவர்கள், மலாக்கா தெங்காவில் உள்ள பந்தாய் குண்டோர் மாநில சட்டமன்ற மேம்பாடு மற்றும் ஒருங்கிணைப்புக் குழு (ஜாபெருன்) அரங்கத்திலும், ஜாசினில் உள்ள எஸ்.கே. செர்கம் டாராட் மற்றும் எஸ்.கே. புக்கிட் தெம்பக்காவ் ஆகிய இடங்களிலும் தங்க வைக்கப்பட்டுள்ளதாக சமூக நலத்துறை (ஜே.கே.எம்) பேரிடர் தகவல் தளம் தெரிவித்துள்ளது. பாதிக்கப்பட்டவர்களில் 88 பெரியவர்கள், 34 குழந்தைகள் மற்றும் இரண்டு பச்சிளங்குழந்தைகள் அடங்குவர்.
