பெட்டாலிங் ஜெயா: துன் டாக்டர் மகாதீர் முகமதுவுக்கு பார்ட்டி பிரிபூமி பெர்சத்து மலேசியா சார்பில் வாழ்த்துக்கள் என்று கட்சித் தலைவர் டான் ஸ்ரீ முஹிடின் யாசின் தெரிவித்துள்ளார்.
உச்ச மன்றம் தீர்மானித்தபடி போராட்டத்தில் எங்களுடன் இருக்கக்கூடாது என்று டாக்டர் மகாதீர் எடுத்த முடிவில் நாங்கள் நிச்சயமாக ஏமாற்றமடைகிறோம். டாக்டர் மகாதீரும் அவரது ஆதரவாளர்களும் பக்காத்தானுடன் ஒத்துழைக்க முடிவு செய்தனர். அது டாக்டர் மகாதீரின் முடிவு என்றால், அவருக்கு என்னுடைய நல்வாழ்த்துக்கள். தற்போதைய பெரிகாத்தான் நேஷனல் அரசாங்கத்தை வலுப்படுத்துவதற்காக பெர்சத்து உறுப்பினர்கள் ஒன்று திரளுமாறு முஹிடின் வலியுறுத்தினார்.
சனிக்கிழமை (மே 30) ஒரு செய்திக்குறிப்பில் மகாதீர் முகமது மற்றும் அவரது ஆதரவாளர்கள் பெர்சத்துவிலிருந்து நீக்கப்படவில்லை என்றும் அதற்கு பதிலாக, ஐந்து பேரும் கட்சியின் வழிநடத்துதலுக்கு எதிராகச் சென்றதால் அவை ரத்து செய்யப்பட்டதாகவும் மொஹிடின் கூறினார்.
பெர்சத்து உறுப்பினர்களிடையே அமைதியைக் கோருவதில், முஹைதீன் இந்த விஷயத்தில் ஒருபோதும் அவசர முடிவெடுக்கவில்லை என்று கூறினார். இருப்பினும் அவர் ஐந்து பேருக்கு எதிராக நடவடிக்கை எடுக்குமாறு பலரால் அழுத்தம் கொடுக்கப்பட்டது என்றார்.
“நான் எல்லோரிடமும் நியாயமாக இருக்க விரும்புகிறேன், எடுக்கப்பட்ட எந்தவொரு நடவடிக்கையும் கட்சியின் அரசியலமைப்பின் அடிப்படையில் இருக்க வேண்டும் என்பதை உறுதிப்படுத்த விரும்புகிறேன்.
“கட்சி அரசியலமைப்பிற்கு மேலே யாரும் இல்லை,” என்று அவர் கூறினார்
முன்னதாக வியாழக்கிழமை (மே 28), பெர்சத்து அமைப்பின் செயலாளர் சுஹைமி யஹ்யா எழுதிய கடிதம் டாக்டர் மகாதீர், டத்தோஶ்ரீ முக்ரிஸ் மகாதீர், சையத் சாதிக் சையத் அப்துல் ரஹ்மான், டாக்டர் மஸ்லீ மாலிக் மற்றும் அமிருடின் ஹம்சா ஆகியோருக்கு தடை விதிக்கப்பட்டதாகக் கூறினார்.
மே 18 மக்களவை அமர்வின் போது அவர்கள் எதிர்க்கட்சி பெஞ்சில் அமர்ந்திருந்ததே அவர்களின் உறுப்பினர் பதவி நீக்கம் செய்யப்பட்டதற்கு காரணம்.
10.2.2 மற்றும் 10.2.3 பிரிவுகளின்படி, கட்சியில் இருந்து வெளியேறுவதாக அறிவித்தல் மற்றும் நாட்டின் வேறு எந்த அரசியல் கட்சியின் உறுப்பினராக பங்கேற்பது அல்லது சேருவது போன்ற செயல்களின் மூலம் ஒரு உறுப்பினரின் உறுப்பியம் தானாகவே நிறுத்தப்படும்.
பிப்ரவரி 5ஆ ம் தேதி கட்சித் தலைவராகவும் பிரதமராகவும் பதவி விலகியதைத் தொடர்ந்து டாக்டர் மகாதீர் இனி கட்சித் தலைவராக இருக்க மாட்டார் என்று மே 5 தேதியிட்ட சங்கங்களின் பதிவாளர் எழுதிய கடிதத்தில் தெரிவிக்கப்பட்டுள்ளது.
இருப்பினும், டாக்டர் மகாதீர், வெள்ளிக்கிழமை (மே 29) ஒரு செய்தியாளர் கூட்டத்தில், தான் இன்னும் கட்சியின் தலைவராக இருப்பதாகவும், முஹிடினை பெர்சத்துவிலிருந்து நீக்க விரும்புவதாகவும் கூறியிருந்தது குறிப்பிடத்தக்கது.
