அதிகாரப்பூர்வ ரகசியங்கள் சட்டம் 1972 இன் கீழ் விசாரிக்கப்படலாம் என்பதால் போலீஸ் அதிகாரிகள் , ஊழியர்கள் எவரும் விசாரணை அறிக்கைகளைப் பொதுமக்களுக்கு வெளிப்படுத்தவோ அல்லது பகிர்ந்து கொள்ளவோ, அல்லது சமூக ஊடகங்களில் வெளியிடவோ கூடாது என்று எச்சரிக்கப்பட்டுள்ளனர்.
போலீஸ் தலைவர் டான் ஸ்ரீ அப்துல் ஹமீட் பாடோர் கூறுகையில், தகவல்கள் ரகசியமாகவும் வகைப்படுத்தப்பட்டதாகவும் இருப்பதால் போலீஸ் அறிக்கைகளை வெளியிடுவது ஒரு குற்றமாகும்.
பல்வேறு வழக்குகளில் பல போலீஸ் அறிக்கைகள் சமூக ஊடகங்களில் பகிரப்பட்டு வைரலாகிவிட்டன. போலீஸ் அதிகாரிகள் அல்லது ஊழியர்கள் அதைச் செய்வது அறியப்பட்டால், உடனடியாக அதிகாரப்பூர்வ ரகசியங்கள் சட்டத்தின் கீழ் நடவடிக்கை எடுக்கப்படும் என்றார் அவர்.
உதாரணமாக, பாதிக்கப்பட்டவர் ஒரு பாலியல் குற்றம் குறித்த போலீஸ் அறிக்கையைப் பதிவுசெய்து, பாதிக்கப்பட்டவர் என்ன நடந்தது என்பதை விவரித்தால், அந்த அறிக்கையை எடுத்துக் கொள்ளும் கடமையில் உள்ளவர் அதை வாட்ஸ்அப்பில் வெளிப்படுத்துகிறார். இத்தகவல் ஊடகங்களைச் சென்றடைந்தால், இது பொறுப்பற்ற செயலலாகும்.
பாதிக்கப்பட்டவர் அல்லது புகார்தாரரின் தகவல்களை வெளிப்படுத்தும் செயல் அவரை ஏளனத்திற்கு உட்படுத்தக்கூடும், அதேசமயம் போலீஸ் அறிக்கை ரகசியமானது. இதை பொதுமக்களுக்கு வெளியிட முடியாது என்று அப்துல் ஹமீட் கூறினார்.
போலீஸ் அறிக்கைகளை அதற்குப் பொறுப்பான காவல்துறை அதிகாரியால் மட்டுமே வழக்கு குறிப்புக்கு மட்டுமே பகிர்ந்து கொள்ள முடியும் என்றும், சம்பந்தமில்லாத மற்றவர்கள் அவ்வாறு செய்ய முடியாது என்றும் அவர் கூறினார்.
