பெட்டாலிங் ஜெயா: மாமன்னர் அல்-சுல்தான் அப்துல்லா ரியாதுதீன் அல்-முஸ்தபா பில்லா ஷா நச்சு தன்மையான உணவு மற்றும் விளையாட்டுக் காயம் ஆகியவற்றிற்கு சிகிச்சை பெற்றவுடன் விரைவில் அரண்மனைக்கு திரும்புவார். நச்சு தன்மை கொண்ட உணவு உட்கொண்டதன் காரணமாக மாமன்னர் செப்டம்பர் 21 அன்று தேசிய இதய மையத்தில் (ஐ.ஜே.என்) அனுமதிக்கப்பட்டார்.
அடுத்த நாள் செய்யப்பட்ட காந்த அதிர்வு இமேஜிங் (எம்ஆர்ஐ) ஸ்கேன் அவருக்கு விளையாட்டு தொடர்பான காயங்கள் இருப்பதைக் காட்டிய அவருக்கு சிகிச்சை ஆரம்பிக்கப்பட்டது.
“நன்கு அறியப்பட்டபடி, போலோ, கால்பந்து, ஸ்குவாஷ், ஹாக்கி மற்றும் கோல்ஃப் உள்ளிட்ட பல்வேறு விளையாட்டுகளில் அவர் மிகவும் சுறுசுறுப்பாக இருக்கிறார்.
செப்டம்பர் 24 மாமன்னருக்கு முழங்கால் மூட்டுகள் மற்றும் கணுக்கால் ஆகியவற்றின் சிகிச்சை வெற்றிகரமாக நடந்தது.
சிகிச்சையைத் தொடர்ந்து, நிபுணர்களின் கடுமையான கண்காணிப்பின் கீழ் பின்தொடர்தல் சிகிச்சையை மேற்கொள்ளுமாறு அவரது மாட்சிமைக்கு அறிவுறுத்தப்பட்டது.
“அல்-சுல்தான் அப்துல்லா இந்த பின்தொடர்தல் சிகிச்சையை முடித்தவுடன் விரைவில் இஸ்தானா நெகாராவுக்கு திரும்புவார்” என்று அஹ்மத் ஃபாடில் நேற்று ஒரு அறிக்கையில் தெரிவித்தார்.
அவரது நல்வாழ்வைப் பற்றிய அக்கறை கொண்ட நாட்டு மக்களுக்கு மாமன்னர் நன்றி தெரிவித்ததாகவும் அவர் கூறினார்.
அதிகரித்து வரும் கோவிட் -19 சம்பவங்கள் குறித்து மாமன்னர் கவலை கொண்டுள்ளனர். மேலும் எப்போதும் கவனமாக இருக்கவும், புதிய இயல்பை கடைபிடிக்கவும் நாட்டு மக்களுக்கு அறிவுறுத்தினார் அஹ்மத் ஃபாடில் கூறினார்.
“செப்டம்பர் 20 முதல் 27 வரை சபாவிலிருந்து திரும்பியவர்கள் காரணமாக தீபகற்பத்தில் கோவிட் -19 உறுதி செய்யப்பட்டிருக்கும் சம்பவங்கள் அதிகரித்திருப்பது குறித்து அவரது மாட்சிமை கவலை கொண்டுள்ளார் என்று அஹ்மத் ஃபாடில் கூறினார்.
மாமன்னர் விரைவில் குணமடையவும் அவரது மாட்சிமைக்கு நீண்டகால நல்ல ஆரோக்கியத்துடன் ஆசீர்வதிக்கப்படவும் பிரார்த்தனை செய்யுமாறு மக்களை அவர் கேட்டுக் கொள்ளப்பட்டார்
