காதலியை கொன்ற காதலன் கைது

ஜித்ரா: தாமான் மாசூரியில் உள்ள வீட்டில் தனது 23 வயது காதலியை கொலை செய்ததாக போலீசார் ஞாயிற்றுக்கிழமை (அக். 4) ஒரு ஆடவரை  கைது செய்துள்ளனர்.

குபாங் பாசு மாவட்ட காவல்துறைத் தலைவர்  மொஹமட் இஸ்மாயில் இப்ராஹிம் கூறுகையில், பாதிக்கப்பட்ட பெண்ணின் சகோதரி அதிகாலை 12.20 மணியளவில் இந்த சம்பவம் குறித்து போலீசுக்கு தகவல் தெரிவித்தார்.

பாதிக்கப்பட்ட பெண் தனது வாடகை வீட்டின்   அறையில் இறந்து கிடந்தார். இந்த சம்பவம் சனிக்கிழமை (அக். 3) மாலை 4 மணி முதல் இரவு 9.45 மணி வரை நடந்ததாக நம்பப்படுகிறது.

22 வயதான சந்தேகநபர் ஞாயிற்றுக்கிழமை அதிகாலை 3 மணியளவில் போகோக் சேனாவின் முகிம் டெராங், கம்போங் எம்பாவில் உள்ள அவரது வீட்டில் கைது செய்யப்பட்டார்.

வழக்கின் விசாரணைக்கு உதவ அவர் அக்டோபர் 10 வரை ஏழு நாட்கள் தடுப்புக் காவலில் வைக்கப்படுவார் என்று அவர் கூறினார்.

உடல் பிரேத பரிசோதனைக்காக சுல்தானா பஹியா மருத்துவமனைக்கு அனுப்பி வைக்கப்பட்டுள்ளதாக சுப் இஸ்மாயில் தெரிவித்தார். இந்த வழக்கு கொலைக்கான தண்டனைச் சட்டத்தின் பிரிவு 302 ன் கீழ் விசாரிக்கப்படுகிறது.

LEAVE A REPLY

Please enter your comment!
Please enter your name here