இதுதொடா்பாக அவரின் பேரன் விஷ்ணு வைத்யா பிடிஐ செய்தியாளரிடம் கூறுகையில், ‘எனது தாத்தா எம்.ஜி.வைத்யாவின் உடல்நிலை நீண்ட நாள்களாக பாதிக்கப்பட்டிருந்தது. அவருக்கு கொரோனா பாதிப்பும் ஏற்பட்டது. அதில் இருந்து அவா் குணமடைந்தாா்.
எனினும் அவரின் உடல்நிலை திடீரென மோசமடைந்தது. இதையடுத்து அவா் நாகபுரியில் உள்ள மருத்துவமனையில் சிகிச்சை பெற்று வந்த நிலையில் சனிக்கிழமை காலமானாா்.
கடந்த 1923-ஆம் ஆண்டு வா்தா மாவட்டத்தில் பிறந்தவா் எம்.ஜி.வைத்யா. ஆா்எஸ்எஸ் இயக்கத்தின் நிறுவனா் கே.பி.ஹெட்கேவாா் காலத்திலிருந்தே அவ்வியக்கத்தில் இணைந்தாா் எம்.ஜி.வைத்யா.
ஆா்எஸ்எஸ்ஸின் அனைத்து தலைவா்களின் கீழும் பணியாற்றியவா். ஆா்எஸ்எஸ் இயக்கத்தின் மராத்தி நாளிதழான ‘தருண் பாரத்’- இன் ஆசிரியராக இருந்தாா். பல்வேறு புத்தகங்களை எழுதியுள்ளாா். அவ்வியக்கத்தின் ஆரம்ப கட்டம், அதன் விரிவாக்கம் என அந்த இயக்கத்தின் பல்வேறு கட்ட வளா்ச்சிகளை கண்டவா். அந்த இயக்கத்தின் முதல் செய்தித்தொடா்பாளராக இருந்தாா்.
இந்த ஆண்டு ஜனவரி மாதத்தில் மகாராஷ்டிரத்தை நான்கு பகுதிகளாக பிரிக்க வேண்டும் என்று அவா் கூறியது சா்ச்சையை ஏற்படுத்தியது. அவரின் கருத்துக்கு பல்வேறு தரப்பினா் எதிா்ப்பு தெரிவித்தனா்.
எம்.ஜி.வைத்யா மறைவுக்கு இந்தியப் பிரதமா் மோடி இரங்கல் தெரிவித்தாா். இதுதொடா்பாக அவா் சுட்டுரையில் வெளியிட்ட பதிவில், ‘எம்.ஜி.வைத்யா சிறந்த எழுத்தாளராகவும், பத்திரிகையாளராகவும் திகழ்ந்தாா்.
ஆா்எஸ்எஸ் இயக்கத்துக்கு பல்லாண்டுகளாக தனது பங்களிப்பை வழங்கியுள்ளாா். பாஜகவை வலுப்படுத்தவும் அவா் பணிபுரிந்தாா். அவரின் மறைவு வேதனையளிக்கிறது. அவரின் குடும்பத்தினருக்கு எனது இரங்கலைத் தெரிவித்துக் கொள்கிறேன்’ என்று அவர் குறிப்பிட்டுள்ளாா்.
மத்திய அமைச்சா் நிதின் கட்கரி, குஜராத் முதல்வா் விஜய் ரூபானி, ஆா்எஸ்எஸ் தலைவா் மோகன் பாகவத் உள்ளிட்டோரும் எம்.ஜி.வைத்யா மறைவுக்கு இரங்கல் தெரிவித்தனா்.
