இவரது நியமனத்துக்கு அமெரிக்க நாடாளுமன்ற செனட் சபையின் ஒப்புதல் அவசியம் ஆகும். அதன்படி நேற்று செனட் சபையில் லாயிட் ஆஸ்டின் நியமனம் தொடர்பாக வாக்கெடுப்பு நடத்தப்பட்டது. இதில் அவரது நியமனத்துக்கு ஆதரவாக 93 உறுப்பினர்கள் வாக்களித்தனர். 2 பேர் மட்டுமே அவரது நியமனத்துக்கு எதிராக வாக்களித்தனர். இதன் மூலம் லாயிட் ஆஸ்டினை ராணுவ மந்திரியாக நியமிப்பதற்கு செனட் சபையின் ஒப்புதல் கிடைத்தது.

இதையடுத்து அவர் விரைவில் துணை அதிபர் கமலா ஹாரிஸ் முன்னிலையில் ராணுவ மந்திரியாக பதவி ஏற்க உள்ளார். இதன் மூலம் அமெரிக்க ராணுவ மந்திரி பதவியை வகிக்கும் முதல் கருப்பினத்தவர் என்கிற பெருமையை லாயிட் ஆஸ்டின் பெற உள்ளார். லாயிட் ஆஸ்டினின் நியமனத்துக்கு ஒப்புதல் அளித்ததற்காக அதிபர் ஜோ பைடன் செனட் சபைக்கு நன்றி தெரிவித்துள்ளார்.

தனது நியமனம் குறித்து லாயிட் ஆஸ்டின் டுவிட்டரில் வெளியிட்ட பதிவில் ‘‘நமது நாட்டின் 28- ஆவது ராணுவ மந்திரியாக பணியாற்றுவது எனக்கு கிடைத்த மரியாதை, பாக்கியம் ஆகும். மேலும் இந்தப் பதவியை வகிக்கும் முதல் ஆப்பிரிக்க அமெரிக்கர் நான் என்பதில் கூடுதல் பெருமை கொள்கிறேன். வேலையை தொடங்குவோம்’’ என குறிப்பிட்டுள்ளார்.