– 90 நாட்களில் விவரம் தேவை–
ஜோ பைடன் அதிரடி உத்தரவு!
கொரோனாவின் பிறப்பிடம் சீனாவின் வூஹான் மாநிலம் என்பது அனைவருக்கும் தெரியும். அங்குள்ள ஆய்வுக்கூடத்தில் பல ஆண்டுகளுக்கு முன்பே கொரோனா தொற்று திட்டமிட்டே உருவாக்கபட்டிருக்கிறது என்று சீனா மீது பரவலான குற்றச்சாட்டுகள் இருக்கின்றன.
சீனா இதை மறுத்து மிருகங்களிடமிருந்துதான் பரவியது என்று நிலாவில் பாட்டி வடை சுட்ட கதையைக் கூறிக்கொண்டிருக்கிறது.
மிருகங்களிடமிருந்தும் பறவைகளிடமிருந்தும் தொற்று பரவியிருந்தால் அவற்றின் எண்ணிக்கை மனிதர்களைவிட மிகமிக அதிகமாக அல்லவா இருக்க வேண்டும்.
ஆயுதங்களால் முடியாததை புது வகை ரசாயன அஸ்திரத்தால் சாய்க்கவே இந்த நாடகம் என்று உலகம் குற்றம் சாட்டி வருக்கிறது.
இது உண்மைதானா என்பதை ஆதாரப்பூர்வமாகத் தீர்மானித்தால்தான் குற்றம் நிரூபனமாகும். இதற்கு ஒரே வழி துருவித் துருவி ஆராய்வதுதான்.
கொரோனா வைரஸ் தோன்றியது எங்கே என்பதை 90 நாட்களில் கண்டுபிடிக்குமாறு அமெரிக்க உளவு அமைப்புகளுக்கு ஜனாதிபதி ஜோ பைடன் அதிரடி உத்தரவு பிறப்பித்துள்ளார்.
அமெரிக்க உளவுத்துறை தங்கள் சாணக்கியத் தனத்தை செயல்படுத்த வேண்டிய நேர்ம் வந்துவிட்டது. பொய் வேடம் களைந்தால்தான் சு ரூபம் வெளிச்சத்திற்கு வரும். சீ என்று உமிழும் காலம் 90 நாட்களில் தெரிந்துவிடுமா?
உலகை இன்றளவும் கதிகலங்க வைத்துவரும் கொரோனா வைரஸ், 2019- ஆம் ஆண்டின் இறுதியில் சீனாவின் வூகான் நகரில் கண்டறியப்பட்டது.
முதலில் இந்த வைரஸ் அந்த நகரத்தின் விலங்கு உணவுச் சந்தையில் இருந்து பரவியதாகக் கூறப்பட்டது.
பின்னர் வூகான் ஆய்வுக்கூடத்தில் (வைராலஜி நிறுவனம்) இருந்து கசிய விடப்பட்டதாக தகவல்கள் வெளியாகின. இது தொடர்பாக அமெரிக்க முந்தைய ஜனாதிபதி டிரம்ப் பரபரப்பு குற்றச்சாட்டுகளை சுமத்தி அதிர வைத்தார்.
கொரோனா தோன்றியது எங்கே என்பது பற்றி ஆதாரப்பூர்வமான தகவல்கள் இதுவரை வெளியாகவில்லை.
இந்த நிலையில்,வூகான் ஆய்வுக்கூட ஆராய்ச்சியாளர்கள் பலரும் உடல்நலம் பாதித்து 2019 இறுதியில் ஆஸ்பத்திரியில் சேர்க்கப்பட்டதாக சமீபத்தில் அமெரிக்க உளவு அறிக்கையில் தகவல்கள் வெளியாகின.
இதனால் வூகான் ஆய்வுக்கூடத்தில் இருந்து இந்த வைரஸ் கசிந்திருக்கலாம் என்ற ஊகம் மேலும் வலுத்துள்ளது. டிரம்பின் குற்றச்சாட்டுக்கு வலு சேர்ப்பதாகவும் இது அமைந்துள்ளது.
இதையடுத்து, கொரோனாவின் தோற்றம் எங்கே என்பதை உறுதியாகக் கண்டறிவது குறித்து அமெரிக்க ஜனாதிபதி ஜோ பைடன் அதிரடி நடவடிக்கையில் இறங்கி உள்ளார்.
கொரோனா வைரசின் தோற்றம் தொடர்பான உறுதியான முடிவுக்கு வரத்தக்க வகையில், தகவல்களை சேகரித்து, ஆய்வு செய்வதற்கான முயற்சிகளை இரட்டிப்பாக்குங்கள் என்று உளவு அமைப்புகளுக்கு அவர் உத்தரவிட்டுள்ளார்.
மேலும், இது தொடர்பாக உளவு அமைப்புகளுக்கு அவர் 90 நாட்கள் கெடுவையும் விதித்துள்ளார்.
ஜோ பைடனின் இந்த அதிரடி நடவடிக்கை உலக அரங்கை உலுக்குவதாக அமைந்துள்ளது.
