ராமேசுவரம் தீவை இணைப்பதில் கடலுக்குள் அமைந்துள்ள பாம்பன் ரெயில் பாலம் முக்கிய பங்கு வகிக்கிறது. இந்த நிலையில் தூக்குப்பாலம் வழியாக ரெயில்கள் செல்லும்போது ஏதேனும் பாதிப்புகள் , அதிர்வுகள் உள்ளதா என்பதை கண்டறிய 84 இடங்களில் சென்சார் கருவிகள் பொருத்தப்பட்டுள்ளன.

கடந்த மாதம் 28- ஆம்தேதி சென்னையில் இருந்து ராமேசுவரம் வந்த சேது எக்ஸ்பிரஸ் ரெயில் தூக்குப்பாலம் வழியாக வரும்போது சென்சார் கருவி ஒன்றில் இருந்து சத்தம் வந்ததுடன் லேசான அதிர்வும் ஏற்பட்டது. இதைத் தொடர்ந்து பாம்பன் பாலத்தில் ரெயில் போக்குவரத்து நிறுத்தப்பட்டது.

மேலும் ஐ.ஐ.டி. குழுவினரும் தூக்குப்பாலத்தில் ஏற்பட்ட பாதிப்பு குறித்து ஆய்வு நடத்தினர். அதைத்தொடர்ந்து வருகிற 14- ஆம்  தேதி வரை பாம்பன் பாலத்தில் ரயில் போக்குவரத்து நிறுத்தி வைக்கப்படுவதாக தெற்கு ரயில்வே அறிவித்தது.