கோலாலம்பூர்: வார இறுதியில் கோலாலம்பூர் நகர் பகுதியில் மேற்கொண்ட நடவடிக்கைகளின் போது, குடிபோதையில் வாகனம் ஓட்டிய 11 வாகன ஓட்டிகளை போலீசார் கைது செய்தனர்.
நகர போக்குவரத்து புலனாய்வு மற்றும் அமலாக்கத் துறை துணை தலைவர் சரிபுதீன் முகமட் சாலே இச்சம்பவம் பற்றிக்கூறுகையில், காவல்துறையைச் சேர்ந்த நான்கு அதிகாரிகள் மற்றும் 45 பணியாளர்கள் கொண்ட குழு வெள்ளிக்கிழமை (செப்.24) முதல் ஞாயிற்றுக்கிழமை (செப்.26) வரை இந்நடவடிக்கையில் ஈடுபட்டிருந்தது.
இந்த நடவடிக்கைகளில் மோட்டார் சைக்கிள் குற்றங்களில் கவனம் செலுத்தப்பட்டது. இதன் போது ஜாலான் துன் ரசாக், ஜாலான் பஹாங், ஜாலான் ராஜா லவுட், ஜாலான் பங்சார் மற்றும் துதா உலு கிளாங் எக்ஸ்பிரஸ்வே (Duke) ஆகியவற்றில் சோதனைகள் மேற்கொள்ளப்பட்டன.
“ஜாலான் பகாங்கில், போதைபொருள் உட்கொண்டிருந்ததாக நம்பபட்ட இரு மோட்டார்வண்டி ஓட்டுநர்களை நாங்கள் கைது செய்தோம். கைது செய்யப்பட்டவர்கள் 30, மற்றும் 40 வயதுடையவர்கள். மேலும் அவர்களிடமிருந்து 1.7 கிராம் சியாபு வகை போதைபொருளையும் கைப்பற்றினோம்,” என்று அவர் ஞாயிற்றுக்கிழமை ஒரு அறிக்கையில் கூறினார்.
இரண்டு சந்தேக நபர்களும் போதைப்பொருள் சோதனையில் சாதகமான பதிலை பதிவு செய்ததாகவும் அவர்கள் மேலதிக நடவடிக்கைக்காக வாங்சா மயூ போலீஸ் தலைமையகத்திற்கு அழைத்துச் செல்லப்பட்டதாகவும் அவர் கூறினார்.
மேலும் “குடிபோதையில் வாகனம் ஓட்டிய 23 முதல் 66 வயதுக்குட்பட்ட 11 ஆண்களையும் நாங்கள் கைது செய்தோம்” என்று ஏசிபி சரிபுதீன் கூறினார்.
டியூக் மற்றும் ஜாலான் பங்சார் ஆகிய இடங்களில் நடைபெற்ற சாலைப் பந்தயத்திற்கு எதிரான நடவடிக்கைகளில் கவனக்குறைவாக பயணம் செய்ததற்காக 14 முதல் 21 வயதுக்குட்பட்ட ஐந்து ஆண்கள் கைது செய்யப்பட்டனர் என்றார்.
அத்தோடு, பல்வேறு குற்றங்களுக்காக மொத்தம் 571 சம்மன்கள் வழங்கப்பட்டுள்ளதாகவும், சட்டவிரோத வாகன வடிவ மாற்றங்களுக்காக 22 மோட்டார் சைக்கிள்கள் பறிமுதல் செய்யப்பட்டதாகவும் அவர் கூறினார்.
“இந்த மோட்டார் சைக்கிள்கள் ஆய்வுக்காக சாலைப் போக்குவரத்துத் துறைக்கு அனுப்பப்படும், மேலும் அவற்றின் அசல் விவரக்குறிப்புகளுக்குத் திரும்ப உத்தரவிடப்படும்” என்று அவர் கூறினார்.
இதுபோன்ற வழக்குகள் பற்றிய தகவல் உள்ளவர்கள் 03-2071 9999 என்ற எண்ணிலோ அல்லது சிட்டி டிராஃபிக் இன்வெஸ்டிகேஷன் அண்ட் அமலாக்கத் துறை ஹாட்லைனை 03-2026 0267 அல்லது 03-2026 0269 ல் தொடர்பு கொள்ளலாம் என்றும் தெரிவித்தார்.
