கோலாலம்பூர், ஜாலான் ஈப்போவில் உள்ள ஜாலான் டத்தோ ஹாஜி யூசோப்பில் நான்கு மாடி கடையில் புதன்கிழமை (ஜனவரி 12) மாலை ஏற்பட்ட தீ விபத்தில் ஒருவர் தீயில் கருகி இறந்தார். மேலும் 11 பேர் காப்பாற்றப்பட்டனர்.
பாதிக்கப்பட்ட மலேசியர் யார் என்பது இன்னும் கண்டறியப்படவில்லை. கோலாலம்பூர் தீயணைப்பு மற்றும் மீட்புத் துறை செயல்பாட்டு மையத்தின் செய்தித் தொடர்பாளர், பெர்னாமாவைத் தொடர்பு கொண்டபோது, மாலை 5.30 மணியளவில் அவர்களுக்கு அவசர அழைப்பு வந்ததாகவும், ஏழு நிலையங்களில் இருந்து 40 தீயணைப்பு வீரர்களுடன் தீயணைப்பு வாகனங்களை அந்த இடத்திற்கு அனுப்பியதாகவும் கூறினார்.
நான்கு மாடி கட்டிடத்தின் முதல் மாடியில் உள்ள அறையில் தீ பரவியதாக முதற்கட்ட விசாரணையில் தெரியவந்துள்ளதாக அவர் கூறினார்.
பாதிக்கப்பட்டவர்களில் ஒன்பது பேர் அவசர மருத்துவப் பதில் சேவை (EMRS) வாகனங்களில் கோலாலம்பூர் மருத்துவமனைக்கு அனுப்பப்பட்டதாகவும், மேலும் மூன்று பாதிக்கப்பட்டவர்கள் மருத்துவமனைக்குக் கொண்டு செல்ல மறுத்துவிட்டதாகவும் செய்தித் தொடர்பாளர் கூறினார்.
நாங்கள் மாலை 6 மணியளவில் தீயை கட்டுக்குள் கொண்டு வந்தோம். மாலை 6.55 மணியளவில் முழுமையாக தீ அணைக்கப்பட்டது. ஆனால் தீக்கான காரணம் இன்னும் விசாரணையில் உள்ளது என்று அவர் மேலும் கூறினார்.
