ஜோகூர் காவல்துறை, மாநிலத்தில் குறிப்பாக பண்டிகைக் காலங்களில், சாலை விபத்துகள் ஏற்படக்கூடிய இடங்களான 45 கரும்புள்ளிகளை அடையாளம் கண்டுள்ளது.
சீனப் புத்தாண்டு கொண்டாட்டத்துடன் இணைந்து கடந்த வெள்ளிக்கிழமை (ஜனவரி 28) முதல் பிப்ரவரி 6 வரை நடத்தப்பட்ட Op Selamat 17 க்கு 25 அதிகாரிகள் உட்பட மொத்தம் 240 போலீசார் ஈடுபடுத்தப்பட்டுள்ளதாக ஜோகூர் காவல்துறைத் தலைவர் டத்தோ கமருல் ஜமான் மாமத் தெரிவித்தார்.
Ops Selamat 17 இரண்டு முக்கிய நோக்கங்களில் கவனம் செலுத்துகிறது. அதாவது வீடுகளின் பாதுகாப்பை உறுதி செய்தல் மற்றும் பாதுகாப்பான பயணத்தை உறுதி செய்தல், அதாவது உடைப்புகளைத் தடுப்பது மற்றும் சாலை விபத்துகளைக் குறைப்பது என்பதாகும்.
சாலைப் பயனாளிகள் சாலைப் பாதுகாப்பு நிபுணர்கள் கூறும் குறிப்புகளைப் பின்பற்ற வேண்டும். உதாரணமாகத் தூக்கம் வரும்போது வாகனம் ஓட்டக்கூடாது, மற்ற வாகனங்களில் இருந்து தூரமாகச் செல்ல வேண்டும்.
நெடுஞ்சாலையில் வாகனம் பழுதடைந்தால், தயவுசெய்து வாகனத்தை விட்டு இறங்கி, வடக்கு-தெற்கு எக்ஸ்பிரஸ்வே (பிளஸ்) போன்ற தொடர்புடைய பகுதிகளில் உதவி கேட்க வேண்டும் என்று கெம்பாஸ் டோல் பிளாசாவில் OP Selamat அறிமுகப்படுத்தப்பட்ட பின்னர் செய்தியாளர்களிடம் அவர் கூறினார்.
குறிப்பாக பண்டிகை காலங்களில் ஜோகூர் பாரு செலத்தான், ஜோகூர் பாரு உத்தாரா, ஶ்ரீ ஆலம் மற்றும் இஸ்கந்தர் புத்ரி ஆகிய இடங்களில் விபத்துகள் அதிகம் உள்ள பகுதிகள் என்று அவர் கூறினார்.
பண்டிகைக்காக சொந்த ஊருக்குத் திரும்புபவர்கள் காவல்துறைக்குத் தெரிவிக்கவும் அல்லது அருகிலுள்ள காவல் நிலையத்தில் பெறக்கூடிய ‘Balik kampung’’ படிவத்தைப் பூர்த்தி செய்யவும் அல்லது ராயல் மலேசியா காவல்துறையின் (PDRM) அதிகாரப்பூர்வ போர்டல் மூலம் பதிவிறக்கம் செய்யவும் கமருல் ஜமான் அறிவுறுத்தினார்.
அவர்கள் தன்னார்வ ஸ்மார்ட்ஃபோன் ரோந்து (VSP) பயன்பாட்டின் மூலம் தங்கள் இயக்கங்களைத் தெரிவிக்கலாம். மேலும் PDRM மற்றும் சமூகம் அவர்கள் இல்லாத நேரத்தில் தங்கள் வீடுகளைக் கண்காணிக்க 999 ஹாட்லைனைத் தொடர்பு கொள்ளலாம் என்று அவர் கூறினார்.
