ஜோகூர் பாரு, பிப்ரவரி 2 :
ஜோகூர் மாநிலத்தின் நான்கு மாவட்டங்களில் நேற்று நடத்தப்பட்ட சோதனையில், சூதாட்டத்தில் ஈடுபட்ட மொத்தம் 13 பேரை போலீசார் கைது செய்தனர்.
கைது செய்யப்பட்டவர்களில் 19 முதல் 57 வயதுக்குட்பட்ட 11 ஆண்களும் 2 பெண்களும் உள்ளடங்குவதாக ஜோகூர் காவல்துறைத் தலைவர் டத்தோ கமாருல் ஜமான் மாமட் தெரிவித்தார்.
நேற்றுக் காலை 9 மணி முதல் இரவு 7 மணி வரை நடந்த சோதனையில், ஜோகூர் பாரு வடக்கு, போந்தியான், குளுவாங் மற்றும் கோத்தா திங்கி ஆகிய இடங்களில் அதிகாரிகள் மற்றும் உறுப்பினர்கள் குழு ஈடுபட்டதாக அவர் கூறினார்.
மேலும் இந்த நடவடிக்கையின் போது, 12 மொபைல் போன்கள் மற்றும் RM1,393 ரொக்கத்தை போலீசார் கைப்பற்றினர்.
“இது தொலைபேசியின் இருப்பை ‘டாப்-அப்’ செய்வதற்காக நடத்தப்பட்ட சூதாட்டம் என்பது விசாரணையில் கண்டறியப்பட்டுள்ளது,” என்று அவர் இன்று வெளியிட்ட ஒரு அறிக்கையில் தெரிவித்தார்.
திறந்த சூதாட்ட இல்லச் சட்டம் 1953 இன் பிரிவு 4 (1) C இன் கீழ் இந்த வழக்கு விசாரிக்கப்படுவதாக அவர் கூறினார்.
இதற்கிடையில், இந்த ஆண்டின் தொடக்கத்தில் இருந்து இப்போது வரை சட்டவிரோத சூதாட்ட நடவடிக்கைகளைத் தடுக்கும் முயற்சியில் போலீசார் 398 வளாகங்களையும் ஆய்வு செய்துள்ளனர் என்று கமாருல் ஜமான் கூறினார்.
