ஈப்போ, பிப்ரவரி 3 :
பேராக் மாநிலத்தில் கடந்த வெள்ளிக்கிழமை முதல் நேற்று வரை அமல்படுத்தப்பட்ட ஓப் சிலாமாட் (Ops Selamat) காலகட்டத்தில், பல்வேறு குற்றங்கள் தொடர்பாக மொத்தம் 9,634 சம்மன்கள் வழங்கப்பட்டன என்று பேராக் போக்குவரத்து புலனாய்வு மற்றும் அமலாக்கத் துறையின் (JSPT) தலைவர், கண்காணிப்பாளர் அஜிசான் ஹாசன் கூறினார்.
இந்த Ops Selamat நடவடிக்கை, “சாலையைப் பயன்படுத்துவோர் சட்டத்திற்கு இணங்குவதை உறுதிசெய்வதாகும். வேக வரம்பை மீறி வாகனம் ஓட்டுவது, போக்குவரத்து விளக்குகளை பின்பற்றாதது, ஓட்டுநர் உரிமம் இல்லாதது, காலாவதியான காப்பீடு போன்றவை மிகவும் பொதுவான குற்றங்களில் ஒன்றாகும்,” என்று அவர் கூறினார்.
நேற்று இரவு இங்குள்ள அமான் ஜெயா மேரு முனையத்தில் நடந்த, பேராக் போக்குவரத்து புலனாய்வு மற்றும் அமலாக்கத் துறையின் (JSPT) ஒருங்கிணைந்த நடவடிக்கையான Ops Salamat 17- 2020 நிகழ்வில் கலந்து கொண்ட போது அவர் செய்தியாளர்களிடம் இவ்வாறு கூறினார்.
இரண்டு ஆண்டுகளுக்கு முன்பு பதிவான 608 வழக்குகளுடன் ஒப்பிடும்போது, Ops Selamat செயல்படுத்தப்பட்ட காலத்தில் சாலை விபத்துகளின் எண்ணிக்கை 585 ஆக பதிவாகியுள்ளது. அதாவது 4 சதவீதம் குறைந்துள்ளது என்று அஜிசான் கூறினார்.
இந்த பாதுகாப்பான செயல்பாட்டின் போது, முந்தைய இரண்டு ஆண்டுகளில் (2 விபத்துகள்) ஒப்பிடுகையில் மொத்தம் 6 அபாயகரமான விபத்துகள் பதிவாகியுள்ளன.
“இது பேராக்கில் மரண விபத்து வழக்குகள் அதிகரிப்பதைக் காட்டுகிறது, இருப்பினும் அடிக்கடி விபத்துகள் நிகழும் பகுதிகளில் கண்காணிப்பு மற்றும் ரோந்துப் பணியை அதிகரித்து வருகிறோம்” என்று அவர் கூறினார்.
இந்த நடவடிக்கைக் காலத்தில் அதிக விபத்துக்கள் பதிவான மாவட்டங்களாக ஈப்போ, தைப்பிங் மற்றும் தாப்பா ஆகியவற்றை கூறலாம்.
“பெரும்பாலான விபத்துகள் கார்கள் சம்பந்தப்படடவை. அதில் 425 வழக்குகளும், மோட்டார் சைக்கிள்கள் (56) மற்றும் பல்நோக்கு வாகனங்கள் (MPV ) 31 வழக்குகளும் பதிவாகியுள்ளது குறிப்பிடத்தக்கது.
