தெமெர்லோ, பிப்ரவரி 8 :
இங்குள்ள ஜாலான் ஜெராண்துட் -தெமெர்லோ சாலையின் 33ஆவது கிலோமீட்டரில், நேற்று ஒரே குடும்பத்தைச் சேர்ந்த நான்கு பேருடன் சென்ற புரோட்டோன் சாகா கார், கட்டுப்பட்டை இழந்து சாலைத் தடுப்பில் மோதியதில், ஐந்து மாதங்களேயான பெண் குழந்தை உயிரிழந்தது.
இரவு 8 மணியளவில் நடந்த விபத்தில், பலியான குழந்தையை அவரது தாயார் நூர் அஸ்லினா முகமட் ஷெரீப் (42) வைத்திருந்ததாக நம்பப்படுகிறது, அவர் அவரது தந்தை ஜாஃபரி அப்துல்லா (54) ஓட்டிச் சென்ற காரின், முன்னால் இருக்கும் பயணிகள் இருக்கையில் தாயும் குழந்தையும் இருந்தனர்.
பகாங் போக்குவரத்து புலனாய்வு மற்றும் அமலாக்கத் துறையின் தலைவர், கண்காணிப்பாளர் கமாருல் ஜமான் ஜூசோ, பாதிக்கப்பட்டவர் தனது பெற்றோர் மற்றும் 6 மற்றும் 5 வயதுடைய இரண்டு சகோதரிகளுடன் ஜெராண்துட்டிலிருந்து தெமெர்லோ செல்லும் வழியில் சென்றுகொண்டிருந்தபோது, இந்த சம்பவம் நடந்ததாக தெரிவித்தார்.
“கோலக் கிராவ் பாலம் அருகேயுள்ள சம்பவ இடத்தை அடைந்தபோது, பாதிக்கப்பட்டவரின் தந்தை ஓட்டிச் சென்ற கார், கட்டுப்பாட்டை இழந்து சாலைத் தடுப்பில் மோதியது.
“இந்த சம்பவத்தின் விளைவாக, பாதிக்கப்பட்டவர் சம்பவ இடத்திலேயே இறந்தார், அதே நேரத்தில் தந்தை (ஓட்டுநர்) மற்றும் மூன்று குடும்ப உறுப்பினர்கள் காயமடைந்தனர்,” என்று அவர் கூறினார்.
அவரது கூற்றுப்படி, பாதிக்கப்பட்டவரின் உடல் பிரேத பரிசோதனைக்காக தெமெர்லோவில் உள்ள சுல்தான் ஹாஜி அகமது ஷா (Hoshas) மருத்துவமனைக்கு கொண்டு செல்லப்பட்டது.
கார் ஓட்டுநரின் இடது கால் முறிந்ததுடன் அவரது முகம் மற்றும் மார்பில் காயம் ஏற்பட்டதாகவும், அவரது மனைவிக்கு வயிற்றில் காயம் ஏற்பட்டதாகவும் மேலும் அவர்களின் பிள்ளைகள் இருவரின் நெற்றியில் காயம் மற்றும் வலது கால்களில் உரசல் ஏற்பட்டதாகவும் அவர் கூறினார்.
“இந்த வழக்கு 1987 சாலை போக்குவரத்து சட்டம் பிரிவு 41 (1) இன் படி விசாரிக்கப்படுகிறது,” என்று அவர் கூறினார்.
