பாரிட் புந்தார், தஞ்சோங் பியாண்டாங்கின் தித்தி செரோங்கில் உள்ள கடையில் நேற்று ஏற்பட்ட வாக்குவாதத்தைத் தொடர்ந்து, கத்தியால் குத்தப்பட்டதாக நம்பப்படும் மோட்டார் சைக்கிள் கடை உரிமையாளர் ஒருவர் கொல்லப்பட்டார்.
பேராக் குற்றப் புலனாய்வுத் துறைத் தலைவர் டத்தோ அனுவார் ஓத்மான் 52 வயதுடைய சந்தேக நபர், பின்னர் பிற்பகல் 2.45 மணியளவில் சிம்பாங் லீமா காவல் நிலையத்தில் சரணடைந்து பாதிக்கப்பட்டவரைக் கத்தியால் குத்தியதாகக் கூறினார்.
பலியானவர் டான் ஹீ சாங் (43) என அவர் அடையாளம் காட்டினார். முதற்கட்ட விசாரணையில், பாதிக்கப்பட்டவர் மூன்று வாரங்களுக்கு முன்பு தனது மோட்டார் சைக்கிளின் சில பாகங்களை மாற்றியதாக புகார் செய்ய சந்தேக நபர் கடைக்குச் சென்றதாகக் கண்டறியப்பட்டுள்ளது என்று அவர் நேற்று இரவு அறிக்கை ஒன்றில் தெரிவித்தார்.
உயிரிழந்தவர் பாரிட் புந்தார் மருத்துவமனையில் சிகிச்சை பலனின்றி உயிரிழந்தார் என்றார்.
