அம்பாங், மார்ச் 11 :
இங்குள்ள தாமான் புக்கிட் பெர்மாயில் ஏற்பட்ட நிலச்சரிவு சம்பவத்தில், உயிரிழந்த நான்கு பேரின் குடும்பத்தினர் மற்றும் உறவினர்கள், மாநில அரசிடமிருந்து பாதிக்கப்பட்ட ஒவ்வொருவருக்கும் தலா RM10,000 நன்கொடையாகப் பெறுவார்கள் என்று சிலாங்கூர் மந்திரி பெசார் டத்தோஸ்ரீ அமிருடின் ஷாரி தெரிவித்துள்ளார்.
மேலும் இந்த நிலச்சரிவு சம்பவத்தால் பாதிக்கப்பட்ட மற்றய வீடுகளுக்கும் உதவி மற்றும் பங்களிப்புகள் வழங்குவது தொடர்பில் அவரது கட்சி பரிசீலிக்கும் என்றும் தாம் முந்தைய வடிவமைப்பைப் பின்பற்றினால், பாதிக்கப்படடவர்களுக்கு கூடுதல் தேவைகளுக்கு RM500 வழங்குவோம் என்றும் இன்று சம்பவ இடத்தில் நடந்த செய்தியாளர் கூட்டத்தில் கூறினார்.
இதற்கிடையில், சம்பவ இடத்தில் தற்காலிக நிலையம் அமைத்து, 24 மணி நேரமும் கண்காணிப்பு பணியில் ஈடுபட்டு, தற்போதைய நிலவரத்தை கண்காணிக்க போலீசார் நடவடிக்கை எடுப்பதாக அமிருடின் கூறினார்.
“போலீசாரின் தாற்காலிக கண்காணிப்பு நிலையத்தில் பாதிக்கப்பட்ட குடியிருப்பாளர்கள் நேரடியாக புகார் செய்யலாம்”
“பாதிக்கப்பட்ட 48 வீடுகளில் வசிப்பவர்கள் தங்கள் வீடுகளை காலி செய்வார்கள் என்று எதிர்பார்க்கப்படுகிறது, மேலும் மக்கள் கவலைப்பட வேண்டாம், ஏனெனில் போலீசார் கிட்டத்தட்ட எல்லா நேரங்களிலும் ரோந்து செல்வார்கள்,” என்றும் அவர் கூறினார்.
