கோலாலம்பூர், ஏப்ரல் 9 :
இன்று, ஜாலான் கூச்சிங்கில் வாலிபர்கள் பயணித்த கார் சறுக்கி, விபத்துக்குள்ளானதில் இருவர் உயிரிழந்தனர்.
பிற்பகல் 2.10 மணியளவில் இடம்பெற்ற இந்த விபத்தில் 23 வயதுடைய இருவர் சம்பவ இடத்திலேயே உயிரிழந்துள்ளனர் என்று கோலாலம்பூர் போக்குவரத்து புலனாய்வு மற்றும் அமலாக்கத் துறையின் (JSPT) தலைவர், துணை ஆணையர் சரிபுடின் முகமட் சலே தெரிவித்தார்.
இந்த விபத்தில் இறந்தவர்கள் வாகனத்தின் ஓட்டுநர் மற்றும் பயணி என்றும் அவர் கூறினார்.
“முதற்கட்ட விசாரணையில், சிட்டி சென்டரில் இருந்து சிகாம்புட் ரவுண்டானாவை நோக்கி வலதுபுறம் உள்ள பாதையில் பாதிக்கப்பட்டவர் ஓட்டிச் சென்ற புரோட்டோன் வீரா கார், கட்டுப்பாட்டை இழந்து சாலையின் இடது பக்கத்தில் கவிழ்ந்ததாகக் கண்டறியப்பட்டது.
“விபத்தின் விளைவாக, ஓட்டுநர் மற்றும் பயணிக்கு தலையில் பலத்த காயம் ஏற்பட்டது மற்றும் அவர்கள் இருவரும் சம்பவ இடத்திலேயே இறந்ததாக அறிவிக்கப்பட்டது,” என்று அவர் நேற்று வெளியிட்ட ஒரு அறிக்கையில் தெரிவித்தார்.
சாலை போக்குவரத்து சட்டம் 1987 இன் பிரிவு 41 (1) இன் படி இந்த வழக்கு வகைப்படுத்தப்பட்டுள்ளது என்றும், சம்பவத்தைப் பார்த்த சாட்சிகள் காவல்துறை விசாரணைக்கு உதவ முன்வருமாறு கேட்டுக் கொள்ளப்பட்டதாகவும் அவர் கூறினார்.
Jalan Tun H S Lee Traffic Police Station என்ற எண்ணில் 03-2071 9999 அல்லது JSPT கோலாலம்பூர் ஹாட்லைன் 03-20260267/69 அல்லது அருகிலுள்ள ஏதேனும் காவல் நிலையத்தைத் தொடர்பு கொண்டு தகவலை தெரிவிக்கலாம் என்றார்.
