தம்பின், மே 23 :
ஒரு கிலோவுக்கும் அதிகமான எடையுள்ள இரண்டு வகையான போதைப் பொருட்களை வைத்திருந்ததாக குற்றம் சாட்டப்பட்ட ஒரு மெக்கானிக், இன்று, தம்பின் மாவட்ட நீதிமன்றத்தில், மரண தண்டனையை எதிர்கொள்கிறார்.
ஃபெல்டா ஜெலாய் பகுதியைச் சேர்ந்த முகமட் சைபுல் மஹத், 41, என்ற குற்றஞ்சாட்டப்பட்டவருக்கு எதிரான குற்றச்சாட்டு நீதிபதி கார்தினி கஸ்ரான் முன்னிலையில் வாசிக்கப்பட்ட பின்னர், அவர் தான் புரிந்து கொண்டதாக தலையசைத்தார்.
எனினும், முகமட் சைபுலிடம் இருந்து எந்த வாக்குமூலமும் பதிவு செய்யப்படவில்லை.
முதல் குற்றச்சாட்டாக, மே 17 அன்று மாலை 6 மணியளவில், இங்குள்ள ஒரு விடுதியின் அறையில் முகமட் சைபுல் 1,005 கிராம் எடையுள்ள ஆபத்தான ஹெரோயின் விநியோகம் செய்தது கண்டுபிடிக்கப்பட்டது.
இரண்டாவது குற்றச்சாட்டிற்காக, அவர் 150 கிராம் எடையுள்ள சியாபு போன்ற ஆபத்தான மருந்துகளை விநியோகித்தது கண்டுபிடிக்கப்பட்டது.
எனவே, மனைவியை இழந்தவராக இருக்கும் முகமட் சைபுல் மீது ஆபத்தான போதைப்பொருள் சட்டம் 1952 இன் பிரிவு 39B (1) (a) இன் கீழ் குற்றம் சாட்டப்பட்டது, மற்றும் அதே சட்டத்தின் 39B (2) இன் கீழ் தண்டிக்கப்படலாம், இது குற்றம் நிரூபிக்கப்பட்டால் கட்டாய மரண தண்டனை விதிக்கப்படும்.
இரசாயண அறிக்கை நிலுவையில் உள்ள வழக்கை மீண்டும் ஜூன் 23-ம் தேதிக்கு நீதிமன்றம் ஒத்திவைத்தது.
குற்றம் சாட்டப்பட்டவர் சார்பில் எந்த வழக்கறிஞரும் ஆஜராகாத நிலையில், அரசுத் துணை வழக்கறிஞர் யாப் சு ஷெங் வழக்கை நடத்தினார்.
முன்னதாக, இம்மாவட்டத்தில் Op Tapis உடன் இணைந்து நடத்திய சோதனையில், குற்றம் சாட்டப்பட்டவர் காவல்துறையினரால் கைது செய்யப்பட்டார்.
