கூலாய், ஜூன் 23:
இங்குள்ள தாமான் புத்திரி கூலாயில் இருந்து காணாமல் போனதாக புகாரளிக்கப்பட்ட இரு பதின்ம வயது பெண் பிள்ளைகளை போலீசார் தேடி வருகின்றனர்.
19 வயதான நூர் டயானா முகமட் ரிசால் என்பவரை கடந்த மார்ச் மாதம் முதல் காணவில்லை என்றும், 18 வயதான நோர் பிரீதா முகமட் என்பவர் இந்த மாதம் முதல் காணாமல் போனதாகவும் கூலாய் மாவட்ட காவல்துறை தலைவர், டோக் பெங் இயோவ் தெரிவித்தார்.
மார்ச் 17 அன்று புக்கிட் பாரு மலாக்கா தெங்கா காவல் நிலையத்திலிருந்து, நூர் டயானாவின் வழக்கு பற்றிய புகாரைப் பெற்றதாக அவர் கூறினார்.
“காணாமல் போன தினத்தன்று, கூலாயில் இருக்கும் மாமாவைப் பார்க்க போவதாக அனுமதி கேட்டிருந்தார் என்று அபெண்ணின் பெற்றோர்களின் தெரிவித்துள்ளனர்.
“அவர் எப்போது வீட்டிற்கு வருகிறார் என்று கேட்க அவரது தந்தை அதே நாளில் அவரை அழைத்தார், அதற்கு அவர் விரைவில் வீட்டிற்கு வருவேன் என்று கூறியுள்ளார்.
“அவரது தந்தை மீண்டும் அவளை அழைக்க முயன்றார், ஆனால் எந்த பதிலும் வரவில்லை.
“இரவு 8.30 மணியளவில், தான் பாதுகாப்பாக இருப்பதாகவும் (குடும்பத்தினர்) தன்னைப் பற்றி கவலைப்பட வேண்டாம் என்றும் அவரின் தந்தைக்கு ஒரு குறுஞ்செய்தி அனுப்பினார்,” என்று அவர் வியாழக்கிழமை (ஜூன் 23) வெளியிட்ட ஒரு அறிக்கையில் தெரிவித்தார்.
எனினும் இதுவரை அப்பெண் திரும்பி வரவில்லை.”அவளுடைய குடும்ப உறுப்பினர்கள் அவளைக் கண்டுபிடிக்க கடுமையாக முயன்றனர், ஆனால் அவர்களின் முயற்சிகள் இதுவரை வெற்றிபெறவில்லை. மேலும், அவளுடைய பாதுகாப்பு குறித்து அவர்கள் கவலைப்படுகிறார்கள்”, என்று அவர் கூறினார்.
நோர் பிரீதாவைப் பொறுத்தவரை, அவரது பெற்றோர் ஜூன் 11 ஆம் தேதி, கூலாய் போலீஸ் தலைமையகத்தில் தமது மக்கள் காணாமல் போனது தொடர்பில் புகார் அளித்தனர்.
“நோர் பிரீதாவும் அவரது குடும்பத்தினரும் திருமண நிகழ்ச்சி ஒன்றில் பங்கேற்பதற்காக கூலாயில் உள்ள தனது சகோதரியின் வீட்டுக்குச் சென்றனர்.
“நோர் பிரீதா பின்னர் தனது சகோதரியின் வீட்டை விட்டு வெளியேறினார், போகும்போது அவளுடன் மை-கார்ட் (NRIC) எடுத்துச் சென்றாள். அவள் எங்கு சென்றாள் என்று அவளுடைய குடும்பத்தினர் தெரியவில்லை.
“அவர்கள் அவளை அழைக்க முயற்சித்தனர் ஆனால் அவளை தொடர்பு கொள்ள முடியவில்லை. பின்னர் அவர்கள் போலீசில் ஒரு புகாரை பதிவு செய்ய முடிவு செய்தனர்,” என்று அவர் கூறினார்.
இவ்விரு வழக்குகள் பற்றிய தகவல் தெரிந்தவர்கள் 07-6632 222 என்ற எண்ணில் கூலாய் போலீசாரை தொடர்பு கொள்ளுமாறு கேட்டுக் கொள்ளப்படுகிறார்கள்.
