உலு சிலாங்கூர், ஆகஸ்ட் 8 :
நேற்று, ஜாலான் சுங்கை சோவில், புக்கிட் செந்தோசாவை நோக்கி செல்லும் வழியில் மூன்று வாகனங்கள் மோதிய விபத்தில், மூதாட்டி ஒருவர் இறந்தார், ஒருவர் படுகாயமடைந்ததுடன் மேலும் ஐவர் காயமடைந்தனர்.
உயிரிழந்தவர் 66 வயதான ரோஹானா முஹமட் நூர் என அடையாளம் காணப்படடார். அதே நேரத்தில் 34 வயதான நோர்பர்ஹானா ரஹீம் பலத்த காயமடைந்தார்.
சிலாங்கூர் மலேசிய தீயணைப்பு மற்றும் மீட்புத் துறை இயக்குனர் நோரஸாம் காமிஸ் கூறுகையில், மாலை 6.51 மணிக்கு விபத்து குறித்து தமது துறைக்கு அழைப்பு வந்தது என்றார்.
அதனைத் தொடர்ந்து புக்கிட் செந்தோசா தீயணைப்பு மற்றும் மீட்பு நிலையத்தில் இருந்து இயந்திரங்கள் மற்றும் ஒரு வேனுடன் ஏழு பேர் கொண்ட குழு சம்பவ இடத்திற்கு விரைந்ததாக அவர் கூறினார்.
“முதற்கட்டத் தகவல்களின்படி, விபத்தில் பல்நோக்கு வாகனம் மற்றும் ஒரு பெரோடுவா அல்சா மற்றும் பெரோடுவா ஆக்சியா ஆகிய இரண்டு வாகனங்கள் சிக்கியுள்ளன.
“சம்பவ இடத்திற்கு வந்தபோது, பெரோடுவா அல்சா ஒன்றில் இரண்டு பெண்கள் பாதிக்கப்பட்டிருப்பதை உறுப்பினர்கள் கண்டறிந்தனர்.
அவர்களில் ஒருவர் பலத்த காயம் அடைந்தார், மற்றவர் இறந்துவிட்டதாக மருத்துவக் குழு உறுதிப்படுத்தியது,” என்று அவர் இன்று வெளியிட்டுள்ள ஒரு அறிக்கையில் தெரிவித்தார்.
பலத்த காயமடைந்தவர்கள் EMRS பிரிவினரால் செலாயாங் மருத்துவமனைக்கு அனுப்பப்பட்டதாகவும், இறந்தவர்கள் மேல் நடவடிக்கைக்காக காவல்துறையிடம் ஒப்படைக்கப்பட்டதாகவும் நோராஸாம் கூறினார்.
“இரண்டு கார்களில் பயணித்த மேலும் ஐந்து பேர் காயமடைந்தனர் மற்றும் அவர்கள் அனைவரும் தீயணைப்புத் துறை வருவதற்குள் பொதுமக்களால் மருத்துவமனைக்கு அனுப்பி வைக்கப்பட்டனர்.
“இருப்பினும், லேசான காயம் அடைந்தவர்களின் தகவல்களையும் அடையாளம் காண முடியவில்லை,” என்று அவர் கூறினார்.
