தேனோம், செப்டம்பர் 4 :
சபா இறக்குமதியைச் சார்ந்திருப்பதைக் குறைத்து, மலர் வளர்ப்புத் தொழிலை மேம்படுத்துவதன் மூலம் உள்ளூர் பொருளாதார முன்னேற்றத்திற்கு உதவ முடியும் என்று அம்மாநில முதல்வர் டத்தோஸ்ரீ ஹாஜிஜி நூர் கூறுகிறார்.
கடந்த ஆண்டு RM4.9 மில்லியன் மதிப்புள்ள 156.93 டன் புதிய பூக்களை சபா மாநிலம் இறக்குமதி செய்ததாக அவர் கூறினார்.
உள்ளூர் அழகை ரசிக்கும் வகையில் மற்றும் மலர் வளர்ப்புத் தொழிலின் வளர்ச்சியடைவதன் மூலம் எதிர்காலத்தில் இறக்குமதியைக் குறைப்பதற்கு உதவுவதோடு உள்ளூர் சமூகத்தின் வருவாயை அதிகரிக்கவும் உதவும் என்றார்.
“இந்த மாநிலத்தில் நில வடிவமைப்பு தொழில் மற்றும் உள்ளூர் பூக்கள் அல்லது மலர் வளர்ப்பின் வளர்ச்சிக்கான சாத்தியங்கள் உள்ளன; எதிர்காலத்தில் புதிய பூக்களின் இறக்குமதியை குறைக்கலாம்,” என்று , இன்று ஞாயிற்றுக்கிழமை (செப்டம்பர் 4) சபா மாவட்டத்தில் உள்ள சபா வேளாண் பூங்காவில் 2022 மலர் திருவிழாவைத் தொடங்கும்போது கூறினார்.
“மலர் திருவிழா நிச்சயமாக மலர் தொழில்முனைவோர் மற்றும் இயற்கையை ரசிப்பதற்கான ஒரு தளமாகும். அவர்கள் இந்த மாநிலத்தில் மலர் வளர்ப்புத் தொழிலை மேம்படுத்த ‘பிசினஸ் மேட்சிங்’ பயிற்சி செய்யலாம்,” என்று அவர் கூறினார்.
மேலும், மலர் திருவிழாவானது, தாவரங்கள் மீதான ஆர்வத்தையும் அன்பையும் வளர்க்கும் என்றும், சமூகத்தின் நலனுக்காக இயற்கையை ரசிப்பதை மேம்படுத்த உதவும் என்றும் அவர் நம்பினார்.
“இந்த திருவிழா ஒவ்வொரு ஆண்டும் நடத்தப்பட வேண்டும், மேலும் நமது சமூகம் தாவர இனங்கள் பாதுகாப்பின் முக்கியத்துவத்தையும் அவை உணவின் ஆதாரமாகவும் சுற்றுச்சூழல் நிலைத்தன்மைக்கு பங்களிப்பாகவும் இருப்பதை புரிந்து கொள்ள வேண்டும் என்று நான் விரும்புகிறேன்,” என்று அவர் மேலும் கூறினார்.
