ஜோகூர் பாரு, செப்டம்பர் 6 :
சிகரெட் பதுக்கி வைக்கும் இடம் என நம்பப்படும் ஒரு இடத்தில், நேற்று போலீசார் நடத்திய அதிரடி சோதனையில் RM7.7 மில்லியன் மதிப்புள்ள பல்வேறு வகையான வரி செலுத்தப்படாத சிகரெட்டுகள் அடங்கிய 1,029 பெட்டிகளை பறிமுதல் செய்தனர்.
ஜலான் பேலாட்டி, தாமான் பெரிண்டஸ்ட்ரியான் மாஜூ ஜெயா, கெம்பாஸ் ஆகிய இடங்களில் உள்ள வளாகத்தில் நண்பகல் 12.30 மணியளவில் சோதனை நடத்தப்பட்டது, அதே சாலையில் மானிய விலையில் டீசல் எண்ணெய் சேமிப்பு வளாகத்தில் சோதனை நடத்தப்பட்ட ஒரு மணி நேரத்திற்குப் பிறகு இந்த நடவடிக்கை மேற்கொள்ளப்பட்டது.
ஜோகூர் காவல்துறை தலைவர் டத்தோ கமாருல் ஜமான் மாமட் கூறுகையில், இந்த சோதனையில் 347 சிவப்பு மற்றும் பச்சை ரெட்வுட் பிராண்ட் சிகரெட் பெட்டிகள், 514 நீலம், ஊதா மற்றும் சிவப்பு பாஸ்டன் பிராண்ட் சிகரெட் பெட்டிகள் மற்றும் 168 சிவப்பு மற்றும் நீல பிராகன் சிகரெட்டுகள் பறிமுதல் செய்யப்பட்டுள்ளன.
“இந்த 1,029 சிகரெட் பெட்டிகள் அனைத்தும் வரி உட்பட RM7,717,500 மதிப்புடையவை” என்று அவர் இன்று வெளியிட்டுள்ள ஒரு ஊடக அறிக்கையில் தெரிவித்தார்.
சுங்கச் சட்டம் 1967ன் பிரிவு 135(1)(d)இன்படி இந்த வழக்கு விசாரிக்கப்பட்டது என்றார்.
முன்னதாக, அதே நாளில் காலை 11.30 மணியளவில், சம்பந்தப்பட்ட சாலையில் உள்ள மானிய விலையிலான டீசல் எரிபொருள் சடடவிரோதமாக படுக்கப்பட்ட கிடங்கை போலீசார் சோதனை செய்தனர்.
அது தொடர்பில் இரண்டு வெவ்வேறு இடங்களில் உள்ளூர் நபர்கள் இருவர் கைது செய்யப்பட்டதைத் தொடர்ந்து இந்த சோதனை மேற்கொள்ளப்பட்டது. அதில் மூன்று வெளிநாட்டவர்களும் கைது செய்யப்பட்டனர் என்பது குறிப்பிடத்தக்கது.
