சிப்பாங், மற்றவர்களுக்கு சொந்தமான MyKadஐ பயன்படுத்தி நாட்டிற்குள் நுழைய முயன்ற ஒரு இளம்பெண் உட்பட 6 பிலிப்பைன்வாசிகளுக்கு ஒன்று முதல் 6 மாதங்கள் வரை சிறைத்தண்டனை விதித்து மாஜிஸ்திரேட் நீதிமன்றம் இன்று தீர்ப்பளித்துள்ளது.
அவர்கள் அனைவரும் மாஜிஸ்திரேட் அயுனி இஸ்ஸாதி சுலைமான் முன் குற்றச்சாட்டை ஒப்புக்கொண்டனர். அவர் அவர்களில் ஐந்து பேருக்கு சஹாரா ஜமீல் 51; ஹுசின் ஜெயிலுன் 48; நூர் ஐசா இசானுல் 19; உஜிரின் பாண்டகன் 43; முக்மின் ஆஸ்கர் 29,– தலா 6 மாதங்கள் வரை சிறைத்தண்டனை மற்றும் RM5,000 அபராதமும் அபராதத்தை கட்டத் தவறினால் 12 மாதங்கள் சிறைத் தண்டனையை அனுபவிக்க வேண்டும்.
15 வயது சிறுமிக்கு பொறுத்தவரை, அவளுக்கு ஒரு வருடம் சிறைத்தண்டனை விதிக்கப்பட்டது. அவர்கள் அனைவரும் கடந்த வியாழன் அன்று கைது செய்யப்பட்ட நாளிலிருந்து சிறைத்தண்டனையை அனுபவிக்கவும், சிறைவாசம் முடிந்ததும் அவர்களை மலேசிய குடிநுழைவுத் துறைக்கு (JIM) பரிந்துரைக்கவும் நீதிமன்றம் உத்தரவிட்டது.
கடந்த வியாழன் மதியம் சுமார் 1.30 மணியளவில் கோலாலம்பூர் அனைத்துலக விமான நிலையம் (KLIA) டெர்மினல் 2, கேட் J11 இல் நாட்டிற்குள் நுழைவதற்கு MyKad ஐ தவறாகப் பயன்படுத்தியதாக அவர்கள் அனைவரும் குற்றம் சாட்டப்பட்டனர்.
குற்றம் நிரூபிக்கப்பட்டால் அதிகபட்சமாக மூன்று ஆண்டுகள் சிறைத்தண்டனை அல்லது RM20,000 வரை அபராதம் அல்லது இரண்டும் விதிக்கப்படும் தேசிய பதிவு விதிமுறைகள் 1990 இன் விதிமுறை 25(1) (e)ஐ மீறியதாக அவர்கள் மீது குற்றம் சாட்டப்பட்டது.
தேசிய பதிவுத் துறையின் (ஜேபிஎன்) சுல்கர்னைன் அஹ்மத் மற்றும் நோர் ஃபாதிலா மாட் ஷாரி ஆகியோரால் வழக்குத் தொடரப்பட்டது.
