கப்பாளா பத்தாஸ், ஏப்ரல் 7 ஆம் தேதி பணியில் இருந்தபோது காணாமல் போனதாகக் கூறப்பட்டு புதன்கிழமை (ஏப்ரல் 12) பெலும் வனப் பகுதியில் கண்டெடுக்கப்பட்ட கார்ப்ரல் முகமது நஸ்ரி முகமட் நசிப்,பூலாவ் மெர்தாஜாம் மசூதி முஸ்லிம் கல்லறையில் வியாழக்கிழமை (ஏப்ரல் 13) அடக்கம் செய்யப்பட்டார்..
33 வயதான சிப்பாயின் உடல் பிரேத பரிசோதனைக்குப் பிறகு பேராக்கின் ஈப்போவில் உள்ள ராஜா பெர்மைசூரி பைனுன் மருத்துவமனையில் இருந்து அவரது தாயார் ஃபட்ஸிலா அபு பக்கர் (55) உடன் மாலை 5.30 மணியளவில் மசூதிக்கு வந்தது. இராணுவ இறுதிச் சடங்குகளின்படி அடக்கம் செய்யப்படுவதற்கு முன்பு மலேசிய ஆயுதப்படை வீரர்கள் உட்பட 300-க்கும் மேற்பட்டோர் மசூதியில் இறுதிச் சடங்குகள் செய்ய வந்திருந்தனர்.
நான்காவது பிரிவின் தளபதி மேஜர் ஜெனரல் அனுவார் அப்துல் வஹாப் அவர்கள் இறந்தவரின் மனைவி நூர்ஹயத்துல் ஹுஸ்னா அப்துல் முத்தலிப்பிற்கு தேசியக் கொடியை வழங்கினார். முகமது நஸ்ரி முகமட் நசிப்பிற்கு, நூர்ஹயத்துல் ஹுஸ்னா 30, மற்றும் நான்கு வயது மகன் முஹம்மது ஆகிஃப் ரிஸ்கி மற்றும் இரண்டு வயது மகள் நூர் அஃபிஃபா ரைஷா. நூர்ஹயத்துல் ஹுஸ்னா மார்ச் 2 ஆம் தேதி, தனது கணவரை முகாமுக்கு அனுப்பினார். அது தான் தனது கணவரைக் கடைசியாகப் பார்த்ததாகச் சொன்னார்.
இதற்கிடையில், தனது ஒரே மகனுக்கு நேர்ந்த தலைவிதியை ஏற்றுக்கொண்டதாகக் கூறிய ஃபட்ஸிலா, சம்பவம் தொடர்பான விசாரணை விரிவாகவும் வெளிப்படையாகவும் மேற்கொள்ளப்படும் என்று நம்புவதாகவும் கூறினார்.
