மூவாரிலுள்ள தாமான் சூரியாவில் மூத்த குடிமகன் ஒருவர் அவரது வீட்டில் இறந்து கிடக்க கண்டெடுக்கப்பட்டார்.
நேற்று செவ்வாய்க்கிழமை (மே 9) மாலை 5.11 மணியளவில், தனது வீட்டில் இறந்து கிடந்த முதியவர் தொடர்பில் தங்களுக்கு அவசர அழைப்பு வந்ததாக லார்க்கின் தீயணைப்பு மற்றும் மீட்பு நிலையத்தின் தலைமை அதிகாரி, சுஹைமி அப்துல் ஜமால் தெரிவித்தார்.
“அழைப்பைப் பெற்றவுடன் மூன்று தீயணைப்பு வீரர்கள் சம்பவ இடத்திற்கு அனுப்பப்பட்டனர். நாங்கள் அவரது வீட்டின் கிரில்லில் உள்ள பூட்டை வெட்டி, உள்ளே நுழைந்தோம். கதவைத் திறந்ததும், 69 வயது முதியவர் ஒரு அறையின் நாற்காலியில் பார்த்தோம்.
“பாதிக்கப்பட்டவர் இறந்துவிட்டதாக மருத்துவ அதிகாரிகளால் உறுதிப்படுத்தப்பட்டது மற்றும் அவரது உடல் மேலதிக நடவடிக்கைகளுக்காக காவல்துறையிடம் ஒப்படைக்கப்பட்டுள்ளது,” என்று அவர் இன்று வெளியிட்டுள்ள ஒரு அறிக்கையில் தெரிவித்தார்.
சம்பவ இடத்தில் துர்நாற்றம் எதுவும் இல்லை என்றும், அந்த நபர் இறந்து ஒரு நாள் ஆனதாக நம்பப்படுவதாகவும் அவர் கூறினார்.
