தனது கைப்பேசியில் ஆபாச வீடியோக்களை வைத்திருந்ததற்காக ஒரு கடை உதவியாளருக்கு தைப்பிங் மாவட்ட நீதிமன்றம் இன்று புதன்கிழமை (மே 17) 5,000 அபராதம் விதித்தது, அபராதத்தை செலுத்தத் தவறினால் 8 மாதங்கள் சிறைத் தண்டனை அனுபவிக்க வேண்டும் என்றும் அது குறிப்பிட்டது.
தேங்காய் பால் விற்கும் கடையில் பணிபுரியும் 26 வயதான முஹமட் ஃபித்ரி இஷாக் என்பவருக்கு எதிரான குற்றச்சாட்டு, மாவட்ட நீதிமன்ற நீதிபதி நூர் அதிகா சபாரி முன்நிலையில் வாசிக்கப்பட்டபோது, அவர் தனது குற்றத்தை ஒப்புக்கொண்டார்.
கடந்த ஆண்டு பிப்ரவரி 16 ஆம் தேதி நண்பகல் 12.15 மணியளவில், இங்குள்ள மருத்துவமனை தைப்பிங்கில் தனது போனில் 67 ஆபாசப் படங்கள் மற்றும் 55 ஆபாச வீடியோக்களை வைத்திருந்ததாக அவர் மீது குற்றம் சாட்டப்பட்டது.
குற்றம் சாட்டப்பட்டவர் பெற்றோர் மற்றும் இளைய உடன்பிறந்த இருவரையும் கவனித்துக் கொள்ள வேண்டும் என்றும், மாதந்தோறும் RM1,200 மட்டுமே சம்பாதிப்பதாகவும் தேசிய சட்ட உதவி அறக்கட்டளையைச் சேர்ந்த வழக்கறிஞர் Ng Wei Jun நீதிமன்றத்திடம் வேண்டுகோள் விடுத்ததார்.
அத்துடன் “இக்குற்றத்தை மீண்டும் செய்ய மாட்டேன் என்று அவர் உறுதியளித்துள்ளார்,” என்றும் குற்றவாளி கூறியிருந்தார் என்பது குறிப்பிடத்தக்கது.
இவ்வழக்கில் குற்றம் சாட்டப்பட்டவர் அபராதம் செலுத்தினார் என அறிய முடிகிறது.
