நிறுவனங்களின் பணிபுரியும் பெண் ஊழியர்களுக்கு 98 நாட்கள் மகப்பேறு விடுப்பு அளிக்க அனுமதிக்காதது தொடர்பாக மனிதவளத் துறைக்கு இதுவரை 14 புகார்கள் வந்துள்ளன.
அத்தோடு ஒரு வார கால மகப்பேறு விடுப்பைக்கூட நிராகரித்த நிறுவனங்கள் சம்பந்தப்பட்ட மூன்று அறிக்கைகளும் பதிவு செய்யப்பட்டுள்ளதாக, துணை மனிதவள அமைச்சர், முஸ்தபா சக்முட் இன்று மக்களவையில் இன்று தெரிவித்தார்.
இது “குற்றம் நிரூபிக்கப்பட்டால் முதலாளிக்கு RM50,000 அபராதம் விதிக்கப்படலாம்” என்று அவர் மேலும் கூறினார்.
குற்றத்தைச் செய்யும் நிறுவனங்களுக்கு எதிராக எடுக்கப்பட வேண்டிய நடவடிக்கைகள் குறித்து செனட்டர் ரோட்ரிக் வோங் சியூ லீட் கேட்ட துணைக் கேள்விக்கு அவர் இவ்வாறு பதிலளித்தார்.
இந்த ஆண்டுதான் மகப்பேறு விடுப்பு அறிமுகப்படுத்தப்பட்டது, அதில் மகப்பேறு விடுப்பு ஒதுக்கீட்டை 60 நாட்களில் இருந்து 98 நாட்களாக நீட்டிப்பது, வாராந்திர வேலை நேரத்தை 48ல் இருந்து 45 மணி நேரமாகக் குறைப்பது, திருமணமான ஆண் ஊழியர்களுக்கு ஏழு நாள் மகப்பேறு விடுப்பு வழங்குவது ஆகியவை முக்கிய திருத்தங்களில் அடங்கும். எனவே மகப்பேறு விடுப்பு நாட்களின் எண்ணிக்கையை அதிகரிக்க வேண்டுமா என்பதை ஆய்வு செய்ய வேண்டும் என்று முஸ்தபா கூறினார்.
“இந்தோனேசியாவில் கணவன்மார்கள் தங்கள் மனைவிகளுக்கு உதவுவதற்கு ஏற்கனவே ஒரு மாத தந்தைவழி விடுப்பு அமலில் உள்ளது,” என்று அவர் சுட்டிக்காட்டினார்.
