கோலாலம்பூர்: ஆறு மாநிலத் தேர்தல்களில் ஒற்றுமை அரசுக்கு ஆதரவளிக்க முன்னாள் பிரதமர் நஜிப் ரசாக்கின் ஆதரவாளர்களுக்கு பாரிசான் நேஷனல் தலைவர் அஹ்மத் ஜாஹிட் ஹமிடி அழைப்பு விடுத்துள்ளார்.
தற்போதைய நிர்வாகத்திற்கு நஜிப் தனது ஆதரவைத் தெரிவித்ததால், அவரது ஆதரவாளர்கள் அதைப் பின்பற்றக் கூடாது என்பதற்கு எந்தக் காரணமும் இல்லை என்று அம்னோ தலைவர் கூறினார்.
ஒற்றுமை அரசாங்கத்திற்கு ஆதரவு வழங்கப்பட வேண்டும் என்று நஜிப் தனது பிள்ளைகள் மூலம் தெரிவித்தார். நஜிப் அவர்களே அதைக் கோரியிருந்தால், அவரது ஆதரவாளர்கள் மட்டுமல்ல, அனைத்து மலேசியர்களும் அவருடைய கோரிக்கையை (ஒற்றுமை அரசாங்கத்தை ஆதரிக்க) ஆதரிக்க வேண்டும் என்று அவர் இன்று செய்தியாளர் கூட்டத்தில் கூறினார்.
துணைப் பிரதமராகவும் இருக்கும் ஜாஹிட், வரவிருக்கும் மாநிலத் தேர்தல்களில் இருந்து “சட்ட சிக்கல்களை” பிரிப்பது மிகவும் முக்கியமானது என்றார். நஜிப்பிற்கு நீதி கிடைக்க முயற்சிகள் மேற்கொள்ளப்படவில்லை என்று மக்கள் தொடர்ந்து நினைப்பதற்கு எந்த காரணமும் இல்லை என்றார்.
SRC இன்டர்நேஷனல் ஊழல் வழக்கில் நஜிப் 12 ஆண்டுகள் சிறைத்தண்டனை அனுபவித்து வருகிறார். அவருக்கு நியாயமான விசாரணை வழங்கப்படவில்லை என்று அவரது வழக்கறிஞர்களும் ஆதரவாளர்களும் கூறுகின்றனர். அம்னோவின் ஆதரவுடன் அரச மன்னிப்பைப் பெறுவதற்கான நகர்வுகள் ஏப்ரல் மாதம் தொடங்கப்பட்டன.
கிளந்தான், தெரெங்கானு, கெடா, பினாங்கு, சிலாங்கூர் மற்றும் நெகிரி செம்பிலான் ஆகிய மாநிலங்களில் ஆகஸ்ட் 12ஆம் தேதி தேர்தல் நடைபெறும் என தேர்தல் ஆணையம் நேற்று அறிவித்தது.